ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 27 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

سوپاسنامەی سازمانی خەبات بە بۆنەی بەرێوەبردنی بە شكۆیانەی رێورەسمی نەورۆز لە كوردستانی ئێران

كردەوە تیرۆریستیەكەی لەندەن بەتوندی مەحكوم دەكەین

1ی خــاكـــه‌لـێوه‌ یادی 33 ساڵەی دەرچوونی یەكەم ژمارەی تێكۆشان پیرۆز بێ

پەیامی ڕێکخراوی ئافرەتانی خەباتی کوردستان بەبۆنەی نەورۆز و ساڵی تازەی کوردیەوە

پەیامی نەورۆزیی بەرێز و تێكۆشەر كاك بابەشێخی حسێنی بەرێوەبەری گشتی سازمانی خەبات

نەورۆز هێمای ژیانەوەو پێكەوە بوون، پیرۆز بێ

هه‌ڵه‌بجه‌ ناسنامه‌ی گه‌لێكی چه‌وساوه‌

گەورە نووسەر و ئەدیب محەمەدی مەلا كەریم كۆچیی دوایی كرد

پەیامی رێكخڕاوی ئافرەتانی خەبات ی کوردستانی ئێران بەبۆنەی 8ی مارس رۆژی جیهانی ژنان

پەیامی كاك بابەشێخی حسێنی بەرێوەبەری گشتی سازمانی خەبات بەبۆنەی 8ی مارس رۆژی جیهانی ژن

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
8665804
جار بینراوه‌ . Juni 2007

   ڕاپرسی
ئەو بابەتانەی لە كۆنگرەی شەشەمدا سازمانی خەبات دەبێ گرینگی زیاتری پێ بدات؟

رێكخستنەوەی ئورگانەكان
رێكخستنی دەرەوەی وەڵات
تەشكیلاتی ناوخۆی وەڵات
دیپلۆماسیەت و پەیوەندیەكان
چاپەمەنی و راگەیاندن
رێكخستنەوەی هێزی پێشمەرگە



ئاکامه‌کان
ڕاپرسی‌یه‌کان

ژماره‌ی ده‌نگه‌کان 14

هەواڵەكانی كوردستان و ئێران و جیهان 17ی گەلاوێژی 1395

مێژووی ناردن : Sunday, August 07 @ 16:37:05 UTC





فیزیكناسێكی كورد لە ئێران ئێعدام كرا
حكوومەتی ئێران بە شێوەیەكی لەناكاو بیرمەندێكی پڕۆژەی ئەتۆمیی خۆی لەسێدارە دا. بەپێی هەواڵی هەواڵدەریی كوردپا، ڕۆژی ڕابردوو هەواڵی لەسێدارەدانی شارام ئەمیری، فیزیكناسی خەڵكی كرماشان لە تۆڕە كۆمەڵایەتییەكاندا بڵاوكرایەوە. ئەم هەواڵە ئەوەندە لەناكاو و چاوەڕوان‌نەكراو بوو كە شوێنی ئێعدام‌كرانەكەشی تا ئێستا نادیارە. دایكی شارام ئەمیری لەوتووێژ لەگەڵ ماڵپەڕەكانی دەرەوەی ئێران، هەواڵی لەسێدارەدانی كۆڕەكەی پشتڕاست كردووەتەوە. مەرزیە ئەمیری باسی لە بینینی شارام لە ڕۆژی سێشەممە، پانزدەی گەلاوێژ لە شاری تاران كردووە و كوڕەكەی گوتوویەتی كە ئەمە دوایین دیدارە و بەمزووانە ئێعدام دەكرێت. هەربەپێی هەواڵە بڵاوكراوەكان، تەرمی ئەو توێژەر و پسپۆڕەی ڕادیۆئیزۆتۆپی پزیشكی كە ئاسەواری تەناف بە ملیەوە دیار بووە، گوازراوەتەوە بۆ شوێنی لەدایكبوونی لە كرماشان و بەخاكسپێردراوە. حكوومەتی ئێران لە مانگی گەلاوێژدا زیاتر لە ٣٠ هاووڵاتیی كوردیكە زۆربەیان چالاكی مەزهەبی بوون لە زیندانەكانی ڕەجایی شار، خۆی، سەقز، سەڵماس و ... لەسێدارە داوە. ماڵپەڕی "ایران وایر" لەزاری سەرچاوەیەك لە تاران بڵاویكردەوە كە زەخت و گوشار لەسەر بنەماڵەی شارام ئەمیری زۆر زیاتر بووە لە گوشار لەسەر بنەماڵەی سەعید ئیمامی و مەرگی شارام وەك نهێنییەك دەمێنێتەوە. شارام ئەمیری كە جۆزەردانی ساڵی ١٣٨٨ لەكاتی سەفەری حەج، ون بوو كە دواتر دەركەوت كە لە ئامریكادایە و پاشان لە ٢٤ی پووشپەڕی ٨٩ بە پێشوازی فەرمی دەوڵەتی ئەحمەدی نەژاد گەڕایەوە بۆ ئێران. ناوبراو ماوەیەك دوای گەڕانەوەی، دەستبەسەر و لە مانگی جۆزەردانی ٩١ لەلایەن لقی حەوتی دادگەی نیزامی تاران بە ١٠ ساڵ زیندانی و ٥ ساڵ دوورخستنەوە بۆ بەلووچستان حوكم درا.





كچە خوێندكاریكی كورد سزای ٢ ساڵ زیندانی بەسەر سەپێندرا
سەر لەبەیانی ئەمڕۆ یەكشەممە ١٧ی گەلاوێژی ١٣٩٥ی هەتاوی، “سۆما بازرگان”، كچە خوێندكاریكی كوردی تەمەن ٢١ ساڵان و خەڵكی باژێڕی مەریوان، لەلایەن دادگای ڕژیم لەم باژێڕە، سزای دوو ساڵ زیندانی ‌هەڵواسراو بۆ ماوەی پێنج ساڵی بەسەردا سەپا. سۆما بازرگان بە تاوانی ئەندامەتی لە یەكێك لە حیزبە كوردییەكانی دژبەری ڕژیم دادگایی و مەحكووم كراوە. هەواڵنێری كوردپا لە باژێڕی مەریوان ڕایگەیاندووە كە ئەو كچە خوێندكارە بە بێ ئەوەی مافی هەبوونی پارێزەری هەبووێت، چەندین جار دادگایی كراوە و لە ئاكامدا ئەمڕۆ ئەو سزایەی بەسەردا سەپاوە. سۆما بازرگان لەدایكبووی ساڵی ١٣٧٤ی هەتاوی و هەڵگری بڕوانامەی دیپڵۆمی باڵا لە بەشی حیسابداریی زانكۆی پەیامی نووری مەریوانە كە لە زۆربەی چالاكییە مەدەنیەكانی ئەو شارە و بەتایبەت لە بواری مافی ژناندا بەشدارییەكی بەرچاوی هەبووە. 






ڕێكخراوی “فەتح” بەرپەرجی هەڕەشە و دەستتێوەردانەكانی ئێرانی دایەوە
ڕۆژی دوای ئەوەی كە چاوپێكەوتنی مەحموود عەباس و مەریەم ڕەجەوی، دڵ ئێشی و هەڕەشەی تووندی دەسەڵاتی تارانی لێكەوتەوە، ڕێكخراوی ئازادیخوازیی فەلەستین “فەتح” بەرپەرچی هەڕەشە و دەست تێوەردانەكانی ڕژیمی تارانی داوە. “سائیب عەریقات”، سەرۆكی گشتیی ڕێكخراوی ئازادیخوازیی فەلەستین “فەتح” گوتی: “بەرپرسانی دەوڵەتی فەلەستین هەروا سەرقاڵی بەدواداچوون بۆ هێرشە تووندەكانی ئێران بە دژی مەحموود عەباس ـن و بە هیچ جۆرێك ئەو هێرشانە لە لەایەن ئێرانەوە بۆ سەر مەحموود عەباس و ڕێكخراوی ئازادیخوازیی فەلەستین، قەبووڵ ناكرێن. ماڵپەڕی ئەلسەبیل لە هەواڵێكدا باسی لە هەڕەشەكانی عەریقات بە دژی ئێران كرد و گوتی: “ئەوە یەكەم جار نیە كە ڕژیمی ئێران دەستدرێژی دەكاتە سەر كەسایەتیی كەسایەتییە فەلەستینییەكان، هەر بۆیەش  بەرپرسانی فەتح و فەلەستین لە هەمبەر ئەو وتە و هەڕەشانەی ئێران بێدەنگ دانانیشن. عەریقات هەروەها گوتووشیەتی كە ئەگەر ئێران بە ڕەسمی داوای لێبووردن لە فەتح نەكات، ئەوا بەرپرسانی فەتح هەڵوێستی تووند لەمبارەوە دەگرن و پەیوەندییەكانی نێوان دوو لایەنی ئێران و فەتح تووشی ئاڵۆزی دەبێت. عەریقات باسی لەوە كردووە كە هەندێك هەڵوێست بە دژی ئێران دەگرن كە بۆی هەیە پەیوەندیی نێوان ئەو دوو لایەنە تێك بچێت بەڵام نەیگوت ئەو كردەوە و هەڵوێستانە چی دەبن. عەریقات لە میانەی قسەكانی خۆیدا هەروەها گوتووشیەتی: “ڕێبەرانی فەلەستین بە بەردەوامی پشتیوانی لە بزاڤگەلی ئازادیخوازانی جیهان دەكەن و پشتیوانی لە مجاهیدینی خەڵك بە واتای خۆتێهەڵقوتاندن و دەست تێوەردان لە كاروباری ناوخۆیی ئێران نیە و چاوپێكەوتنی مەحموود عەباس لەگەڵ مریەم ڕەجەوی هیچ پەیوەندییەكی بە پرسەكانی ناوخۆیی ئێرانەوە نیە”.




پێنج كەس لە دەستبەسەركراوانی مهاباد، دادگایی كران
بەپێی زانیارییەكانی ڕۆژی كورد، 5 كەس لە 15 دەستبەسەركراوی ڕەشبگیرییەكانی ئەم دواییانەی مهاباد، دادگایی كراون. هێمن غەزاڵ، محەممەد شوكری، مەزهەر تاڵانە ، پێژمان ئیمانی و ئەمیر عەبدووڵازادە ئەو پێنج هاووڵاتیە مهابادییەن كە لە ماوەی ٢ مانگی ڕابردوودا وێڕای ١٠ كەسی تر دەستبەسەر كرابوون كە پێشتر هەواڵی دەستبەسەركانەكەیان لە ناوەندی ڕۆژی كورد بڵاو بۆتەوە. ئەو ٥ كەسە بە هۆی ئەوەی كە پێشتریش لە لایەن هێزە ئەمنییەتییەكانی ڕژیمەوە دەستبەسەركرابوون، بە هۆی هەبوونی پێشینەی دەستبەسەركران، ڕێكەوتی ١٢ی گەلاوێژ لە دادگای مهاباد، دادگایی كراون. ئەو ٥ هاونیشتمانییەی باژێری مهاباد بە تاوانی پەیوەندی لەگەڵ یەكێك لە حیزبە كوردییەكانی دژبەری ڕژیم دەستبەسەر و دادگایی كراون. ئەمیر عەبدووڵازادە نیشتەجێی  گەڕەكی شەهرەكی فەرهەنگیانی مەهابادە و  ساڵی ١٣٩٣ی هەتاوی بە تاوانی پەیوەندی لەگەڵ یەكێك لە حیزبه كوردییەكان بۆ ماوەی شەش مانگ لە زیندانی مەهاباد دەستبەسەركرابوو ڕێكەوتی ٩ و ١٠ی پووشپەڕی ١٣٩٥ی هەتاوی، هێزەكانی ئیتلاعاتی ڕژیم لە شاری مهاباد لە ڕشبگیرییەكدا ئەو كەسانەی خوارەوەیان دەستبەسەر و بۆ ئیدارەی ئیتلاعاتی ئەو شارەیان ڕاگواستوون. خۆشناو و ڕەحیم خولە كە بران و خەڵكی گوندی خوڕخوڕەی سەر بە باژێڕی مهابادن عەلی قاسمی نەژاد، خەڵكی گوندی كۆسەكەرێز سیروان حوسێن زادە، خەڵكی گوندی داشخانە پێژمان ئیمانی، خەڵك مهاباد هێمن غەزاڵ، خەڵكی مهاباد شاهین چووسایی، خەڵكی مهاباد ڕەحیم دیواری، خەڵكی مهاباد ئەسعەد ئەنووشە، خەڵكی گوندی قەرەقشڵاق محەممەد شكوری، خەڵكی مهاباد قاسم خەلیفەزادە، خەڵكی مهاباد سیامەك سوڵتانیان، خەڵكی مهاباد سەید مەزهەر پاوانە، خەڵكی مهاباد





كرێكارێكی كورد كۆتایی بە ژیانی خۆی هێنا
رۆژی شەممە 16ی گەلاوێژ كرێكارێكی كورد خەڵكی شاری مەهاباد بە ناوچەی باخی شایگانی ئەو شارە كۆتایی بە ژیانی خۆی هێنا. بەپێی هەواڵی زاگرۆس پۆست دوێنێ شەممە 16 گەلاوێژ كرێكارێكی تەمەن 43 ساڵ كە خاوەنی ژن‌و منداڵە بە ناوچەی باخی شایگانی مەهاباد كۆتایی بە ژیانی خۆی هێنا. تا ئێستا هۆكاری خۆكوژی ئەو كرێكارە دیاری نەكراوە.






ئێرانیەك بە تاوانی ترۆریسم لە بڕێزیل دەرستبەسەر كرا
هەینی 15ی گەلاوێژی 1395ی هەتاوی، پۆلیسی وڵاتی بڕازیل كەسێكی ئێرانی بە تاوانی پەیوەندی لەگەڵ تیرۆریسم دەستبەسەر كرد. هاووڵاتیەكی ئێرانی بەناوی “پوریا پەیكانی” كە لەسەرەتای مانگی ئاگۆستەوە لە لایەن پۆلیسی فیدراڵ و ڕێكخراوی ئاسایشی بڕازیلەوە لە ژێر چاودێری دابووە، بە تاوانی پەیوەندی لەگەڵ تیرۆریسم دەستبەسەر كرا. ئەو هاووڵاتیە ئێرانیە كە پێشتر حوكمی دەستبەسەركران و دەركران لە بڕازیلی بۆ دەركرابوو لە كاتی چوونە ناو خاكی وڵاتی ئۆرۆگۆئێ، دەستبەسەر كرا. میدیا و ڕاگەیێنەكانی بڕازیل باس لەوە دەكەن كە پوریا پەیكانی، دوای ئەوەی كە مانگی مارسی ئەمساڵ بە پاسپۆرتی ئێرانییەوە چۆتە وڵاتی بڕازیل، دوو جار هەوڵی داوە وێنە و ڤیدۆی بەشی دەرەوەی فڕۆكەخانەی شاری سائۆپائۆلۆ بگرێت  هەر بۆیەش بەرپرسانی ئەو فڕكەخانەیە لێی كەوتوونە گومان و لەژێر چاوەدێرییان گرتووە. ئەو وێنە و ڤیدیۆیانەی كە ئەو كەسە ئێرانییە لەو فڕۆكەخانەی گرتوون ئێستا لەبەر دەستی پۆلیسی بڕازیل دان و لێكۆڵینەوەیان لەسەر دەكرێت. پێشتریش لە مانگی ژوئیەدا، پۆلیسی وڵاتی بڕازیل ١٠ كەسی تری بە تاوانی داڕشتنی گەڵاڵە و هەوڵدان بۆ ئەنجامدانی تەقینەوە لە كاتی یارییەكانی ئولەمپیكی ئەمساڵی ڕیۆ دەستبەسەر كردبوو. دەست تێوەردانی ئێران لە كاروباری وڵاتانی تر و هەبوونی سیخوڕی ئێرانی لە وڵاتانی دەرەوە، ڕووداوێكی تازە نیە، چەند ڕۆژ بەر لە ئێستا پۆلیسی ئاڵمان ڕایگەیاند، ئەو بكوژە هێرشبەرەی كاتژمێر ٦ی سەر لە ئێوارەی ڕۆژی هەینی ١ی جۆزەردانی ١٣٩٥، بەكاتی ئوروپا هێڕیشی كردە سەر شارۆمەندانی شاری مونیخ لە وڵاتی ئاڵمان، گەنجێكی تەمەن ١٨ ساڵانەی ئێرانی بووە و دەگوترێ دوای ڕووداوەكە خۆی كوشتووە. لە لایەكی ترەوە ڕۆژی پێنجشەممە رێكەوتی ١٧ی پووشپەڕ، دادستانی گشتیی ئاڵمان رایگەیاند كە پیاوێكی تەمەن ٣١ ساڵ بەناوی “سەید مستەفا ، ح ” كە كاری زانیاری كۆكردنەوەی بۆ دەزگا سیخوڕییەكانی رژیمی تیرۆریستیی ئێران كردووە، لەلایەن پۆلیسی وڵاتەكەیەوە دەستبەسەر كراوە. هەواڵدەریی فەڕانسە لە زاری دادستانی گشتیی ئاڵمانەوە بڵاوی كردۆتەوە، ئەو كەسە پاكستانییە لەگەڵ ناوەندێكی ئەمنیی رژیمی ئێران پەیونەدیی هەبووە و زانیاریی لەسەر بەرپرسی پێشووی “كۆمەڵەی ئاڵمانی_ئیسرائیلی” (راینهولد رووبە) و كەسانی نزیكی ئەو بەرپرسە كۆكردۆتەوە.




سی‌ویەكەمین ڕێوەڕەسمی وەرزشیی ئۆلەمپیكی ٢٠١٦ دەستی پێكرد
ئۆلەمپیكی ٢٠١٦ لەكاتێكدا بەڕێوە دەچێت كە ئەو كێبڕكێیانە لە چەند مانگی ڕابردووەوە لە ژێر كاریگەریی چوار كێشەی گەورەی وەك: ڤایرۆسی زێكا، دووپینگی تیمی ڕووسیە، ئەمنیەتی كێبڕكێیەكە و ئیمكاناتی مێوانداریی وڵاتی برێزیل بەرەوڕوویە. لە ئۆلەمپیكی ٢٠١٦دا، ڕێژەی ٨٥ هەزار هێزی ئەمنیەتی لە ٥٥ وڵاتی جیهان ئەركی پاراستنی ئەمنیەتی یارییەكانیان بە ئەستۆ گرتووە، كە ئەم ڕێژەیە دووقاتی ڕێژەی ساڵی ٢٠١٢یە. وڵاتی برێزیل یەكەمین وڵاتی ئامریكای باشوورە كە مێوانداریەتی یارییەكانی ئۆلەمپیك دەكات و لەگەڵ كێشە و گرفتی ماڵی و ئابووری بەرەوڕوویە. چەند كاتژمێر پێش لە دەستپێكردنی یارییەكان، "پلە"، ئەستێرەی تۆپی پێ ڕایگەیاند: "بە هۆی جێگرنەبوونی بارودۆخی تەندروستی ناتوانێت مەشغەلی ئەو ساڵی ئۆلەمپیك هەڵبگرێت. وڵاتی ئێران بە ٦٣ وەرزشوان لە بەشە وەرزشییە جیاجیاكاندا لە ئۆلەمپیكی ٢٠١٦دا بەشداریی كردووە. یارییەكانی ئۆلەمپیك بەو فێستیڤاڵە وەرزشییە دەگوترێ كە بە وتەی دێرینەناسان و مێژووناسان لە وڵاتی یونانی كۆن بۆ یەكەم جار دەستی پێكردووە و لە سەرەتای سەدەی ١٩ی زاینییەوە سەر لە نوێ دەستی پێكردەوە. ئەو ڕێوەڕەسمە بە نیشانەی ڕێزدانان لە زئوس (پاشای خواكانی یونان) لە سەرەتادا لایەنی مەزهەبی هەبووە كە لە شوێنی تایبەت بەو خودایە بە ناوی "ئولمپیا" بەڕێوە دەچوو.





ئێعدام‌كردنی زیندانییان بۆ دروستكردنی ترس و خۆف لە نێو چالاكانی سیاسی و مەدەنی لە كوردستان دایە
ناوەندێكی داكۆكیكاری مافی مرۆڤی كورد، ئێعدام لە حكوومەتی ئێرانی بە پرۆسەیەكی شیاو لە لایەن دەسەڵاتدارانی ئەو حكوومەتەوە ناوزەد كرد. بەپێی ڕاپۆرتی ئاژانسی هەواڵدەریی كوردپا، ئێعدامی بەربڵاو و بێ وێنەی چالاكانی عەقیدەتی كورد لە زیندانی ڕەجایی شاری كەرەج، لەگەڵ دژكردەوەی توندی ڕێكخراوی داكۆكی لە مافی مرۆڤی كوردستان بەرەوڕوو بووە. ڕێكخراوی داكۆكی لە مافی مڕۆڤی كوردستان سەبارەت بە ئێعدام‌كردنی چالاكانی عەقیدەتی كورد، بەیاننامەیەكی لە ڕۆژی ١٣ گەلاوێژدا بڵاوكردەوە. لەو بەیاننامەیەدا، ئێعدام‌كردنی چالاكانی عەقیدەتی بە "زاڵمانە و نایاسایی" وەسف كردووە و ئێعدامی لانیكەمی ٢٥ زیندانیی مەزهەبی كورد لەژێر ناوی "پێكهێنان و ترس و خۆف لە نێو چالاكانی سیاسی و مەدەنی كوردستان" ناو دەبات. ئەو ڕێكخراوە لەو بەیاننامەیەدا ئێعدامەكان بە "پروسەیەكی جێی شیاو لە دەزگای قەزایی حكوومەتی ئیسلامی" دەزانێت و بە داخبوونی خۆیان لە هەمبەر ئەو كردەوانە دەربڕی و داوكاری "ڕاگرتنی پرۆسەی هەمەلایەنە"ی سزای نامڕۆڤانە بوو. هاوكات لەگەڵ ئەو بایاننامەیەدا، فێدراسیونی نیونەتەوەیی كۆمەڵگای مافی مرۆڤ و ڕێكخراوە ئێرانییەكانی ئەندام، كۆمەڵگای داكۆكی لە مافی مرۆڤی لە ئێران، ئێعدامی دەیان زیندانیی سوننه مەزهەب لەو وڵاتەدا بە توندترین شێوە مەحكووم كرد. عەبدولكەریم لاهیجی، بەرپرسی فێدراسیونی نێونەتەوەیی كۆمەڵگاكانی مافی مڕۆڤ لەو بارەیەوە گوتوویەتی: كۆمەڵگای نێونەتەوەیی ناتوانێت بە لە بەرچاو نەگرتنی پێشێلكردنی زەق و بەرچاوی مافی مڕۆڤ بە دەست دەسەڵاتدارنی ئێران درێژە بدات. ئێعدامی ژمارەیەكی زۆر لە زیندانییانی كوردی سوننه مەزهەب بەپێی "اعترافات"ـی زۆرەملی و محاكمەی نادادپەروەرانە، بێڕێزی بە سەرەكیترین ڕێساكانی مافی مرۆڤە. سەرلەبەیانی ڕۆژی سێ شەممە ١٢ گەلاوێژ لە زیندانی ڕەجایی شاری كەرەج لانیكەم ٢٥ چالاكی عەقیدەتی بە ناوەكانی "كاوە وەیسی، تالب مەلەكی، بێهروز شا نەزەری، كاوە شەریفی، ئارش شەریفی، كەیوان مۆئمێنی فەر، وریا قادری، عالم برماشتی، بەهمەن ڕەحیمی، موختار ڕەحیمی، یاوەر ڕەحیمی، شاهۆ ئیبراهیمی، ئومید پەیوەند، ئادریس نعمەتی، ئەحمەد نەسیری، فەرزاد هەنەرجو، ئەمجەد ساڵحی،محەممەد غەریبی، شارام ئەحمەدی، كەیوان كەریمی، ئومید مەحمودی، پوریا محەممەدی لەگەل حكمەت عێراقی، حەمزە عێراقی و عەلی عیراقی لە سێدارە دران.





ناڕەزایی‌و مانگرتنی كرێكارانی چاڵەنەوتەكانی ئیلام بەردەوامە
دوێنێ شەممە زیاتر لە 200 كرێكار لەسەر كاردەركراوی مەیدانی گازی بیجاڕ‌و كەمانكوە لەناوچەی ئیلام بۆ گەڕانەوە بۆ سەركار‌و دەستبەركردنی مافەكانیان لەبەردەم بینای پارێزگای ئیلام كۆبوونەوە. كرێكارانی چاڵەنەوتەكانی ئیلام لەو كۆبوونەوەیەدا خوازیاری گەڕانەوەیان بۆ سەر كار‌و وەرگرتنی حەقدەستەكانیان بوون.





داعش دەڵێ 1400 منداڵی كوردی ئێزیدیم بۆ خۆتەقاندنەوە ئامادە كردووە
ڕێكخراوی تیرۆریستیی داعش لە ڕێگای بڵاو كردنەوەی گرتەیەكی ڤیدیۆیی، باس لەوە دەكا كە سەدان منداڵی كوردی ئێزیدی بۆ خۆتەقاندنەوە و هێرشی خۆكوژی ئامادە كردووە و ڕاهێنانی بۆ كردوون. بەپێی ئەو گرتە ڤیدیۆییە ئەو منداڵە كوردە ئێزیدییانە لە ئوردوگایەكی ڕێكخراوی تیرۆریستیی داعش بە ناوی “تێشكە شێرەكان” ڕاهێنانیان بۆ دەكرێ. بە سەرنجدان بەوەی كە بە پێی ئامارەكان، 1400 منداڵی كوردی ئێزیدی لە بن دەستی داعش ئێخسیر كراون، پێدەچێ ڕێژەی ئەو منداڵانە كە بۆ خۆتەقاندنەوە و هێرشی خۆكوژی ئامادە كراون، ١٤٠٠ كەس بێت. پێشتر فەرمانگەی كاروباری ئێزیدیە ڕفێندراوەكان لە شاری دهۆك ڕایگەیاندبو كە 3770هەنووكە  كوردی ئێزیدی لە دەست داعشدا ئێخسیر و دیلن ، ئەوەش لە حاڵێكدایە كە هێزەكانی پێشمەرگەی هەرێمی كوردستان تا ئێستا توانیویانە 2640 كوردی ئێزیدی لە دەست داعش بستێننەوە و ئازادیان بكەن.



داعش بەرپرسیارێتی‌ لەهێرشەكەی‌ بەلژیكی راگەیاند

ئاژانسی‌ ئەعماقی‌ سەر بەداعش كەمێك لەمەوبەر بڵاویكردەوە، هێرشەكەی‌ دوێنێی‌ بەلجیكا لەلایەن سەربازێكی‌ سەر بەرێكخراوەكەیانەوە ئەنجامدراوە. هێرشەكەی‌ دوێنێ‌ یەكشەممەی‌ شاری‌ شارلروا لە بەلژیكی ، لەلایەن كەسێكی‌ چەقۆ بەدەستەوە ئەنجامدرا‌و بەهۆیەوە، دوو پۆلیسی‌ ئافرەت برینداربوون. بەپێی‌ ئاژانسی‌ ئەعماق –پرۆپاگەندەی‌ داعش بڵاودەكاتەوە-، یەكێك لەسەربازانی‌ ئەو رێكخراوە لەوەڵامی‌ داوای‌ بەئامانجگرتنی‌ وڵاتانی‌ ئەندام لەهاوپەیمانی‌ نێودەوڵەتی‌، كردەوەكەی‌ ئەنجامداوە. بەپێی ئەو زانیاریانەی پۆلیسی ئەو شارەی‌ بەلژیك دوێنێ‌ لەئەژماری فەرمیی خۆی لە تویتەر بڵاویكردووەتەوە، ئەنجامدەری هێرشەكە پاش برینداركردنی ئەو دوو پۆلیسە، لەلایەن سێیەم پۆلیسەوە كە لەشوێنی هێرشەكە ئامادەبووە تەقەیلێكراوە و برینداركراوە، دواتر براوەتە نەخۆشخانە و بەهۆی سەختیی برینەكەیەوە گیانی‌ داوە. هەروەها تەندروستیی ئەو پۆلیسانەشی كە لە هێرشەكەدا برینداربوون، لە مەترسیدا نەماون.





ترەمپ: پێموانییە هیلاری لەڕووی عەقڵییەوە تەواوبێت
دۆناڵد ترەمپ، كاندیدی پارتی كۆمارییەكان بۆ هەڵبژاردنەكانی سەرۆكایەتی ئەمریكا، دوێنێ شەو هێرشێكی توندی كردە سەر هیلاری كلینتۆن، كاندیدی پارتی دیمۆكراتەكان و ڕایگەیاند "لەڕووی عەقڵییەوە هیلاری گونجاو نییە بۆ ئەوەی ببێت بە سەرۆك". بەپێی هەواڵێكی نیویۆرك تایمز، ترەمپ لەمیانی كۆبونەوەیەكی جەماوەریدا لە ویلایەتی نیوهامپشایەری ئەمریكا وتی " لەڕاستیدا من پێموانییە ئەو تەواوبێت" و ڕونیكردەوە "هیلاری كەموكوڕییەك لە مێشكیدا هەیە، بۆیە گونجاو نییە بۆ وەرگرتنی پۆستی سەرۆكی ئەمریكا". هێرشەكانی ترەمپ بۆ سەر هیلاری دوای ئەوە هات ئەم هەفتەیە هیلاری لەمیانی دیدارێكدا لە گەڵ تەلەفزیۆنی فۆكس نیوزی ئەمریكی سەبارەت بە دۆسیەی بەكارهێنانی ئیمەیڵی تایبەت لەو كاتەی وەزیری دەرەوەی ئەمریكا بووە رایگەیاندبوو "ئەوەی من بە جەیمس كۆمی، سەرۆكی دەزگای لێكۆڵینەوەی فیدراڵی ئەمریكاش (FBI) م وت، كە ئەو پێی وابوو قسەكانی من ڕاستن، رێك ئەوەبووە كە بۆمن بۆ ڕای گشتیم باس كردووە. ڕەنگە من كەموكوڕیم هەبووبێت بۆئەوەش من هەوڵئەدەم ڕوونكردنەوەی خۆی بڵاوبكەمەوە."  سەبارەت بەو دۆسییەیە كۆمی بە كۆنگرێسی ئەمریكای ڕاگەیاند لێكۆڵەران نەگەیشتونەتە  هیچ بنەمایەك كە هیلاری درۆی لەگەڵدا  كردبنن بەڵام سەرۆكی دەزگای لێكۆڵینەوەی فیدراڵی دیسانەوە گومانی خستەسەر هەندێك لەو لێدوانانەی كە هیلاری لەبارەی دۆسیەكەوە بۆ ڕای گشتی بڵاویكردۆتەوە. وابڕیارە 8ی مانگی تشرینی دووەمی ئەمساڵ هەڵبژاردنی گشتی بۆ سەرۆكایەتی ئەمریكا ئەنجامبدرێت.









ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کوردستانی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کوردستانی:
هاتنى مانگى ره‌مه‌زان له‌سه‌رجه‌م په‌یره‌وانى دینى ئیسلام پیرۆز بی


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان