ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 48 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

ده‌فته‌ری سیاسی سازمانی خه‌بات هێرشی فرۆکه‌ جه‌نگیه‌کانی تورکیا بۆ سه‌ر چیای شنگاڵ و چیای قه‌ره‌چووغ مەحكوم دەكا

وتووێژی ماڵپەری رۆژهەلات تایمز لەگەڵ عەلی بەهرامی ئەندامی كۆمیتەی ناوەندی سازمانی خەبات

بەرێوەچوونی پلۆنۆمی یەكەمی كۆمیتەی ناوەندی هەڵبژێردراوی كۆنگرەی شەشەمی سازمانی خەبات

راگەیەندراوی كۆنگرەی شەشەمی سازمانی خەبات بۆ هێز و لایەنە سیاسیەكانی كوردستان و ئێران

پەیامی پیرۆزبایی سازمانی موجاهیدینی خەلقی ئێران بۆ سازمانی خەبات

راگەێندراوی کۆنگرە شەشەمی سازمانی خەبات بۆ جەماوەری کورستان

پەیامی کۆنگرەی شەشەم بۆ کەس وکاری شەهیدان!

راگەێندراوی كۆتایی كۆنگرەی شەشەمی سازمانی خەبات ی كوردستان ئێران

بەرز و بەڕێز یادى 70 ساڵەی شەهادەتی پێشەوا قازی محەممەد

سوپاسنامەی سازمانی خەبات بە بۆنەی بەرێوەبردنی بە شكۆیانەی رێورەسمی نەورۆز لە كوردستانی ئێران

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
8950552
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 13

هەواڵەكانی كوردستان و ئێران و جیهان (24ی گەلاوێژی 1395)

مێژووی ناردن : Sunday, August 14 @ 16:50:56 UTC




وەرزشوانێكی كورد تەلیسمی ئۆلەمپیكی بۆ ئێران شكاند
كیانووش ڕۆستەمی، وەزنەبەرداری كرماشانی توانیی یەكەمین میداڵی كاروانی وەرزشیی ئێران لە ئۆلەمپیكی ڕیۆ بە دەست بێنێت و ئەو تەلیسمە بۆ وەرزشوانانی ئێرانی بشكێنێت. لە ڕەوتی كێبڕكێكانی ڕۆژی حەوتەمی ئۆلەمپیكی ڕیۆ له وڵاتی برێزیل، وەزنەبەردارێكی كوردستانی، بە شكاندنی ڕێكۆردی دوو زەرب، توانیی میداڵی زێڕی ئۆلەمپیك بۆ خۆی مسۆگەر بكات. كیانووش ڕۆستەمی، لە كێشی ٨٥ كیلۆدا، لە حاڵەتی یەك‌ زەربدا، ١٧٩ كیلۆ و لە دوو زەرب‌دا، ٢٧١ كیلۆی بەرز كردەوە. ئەو وەرزشوانە كوردە، سەرەڕای بەدەست هێنانی میداڵی زێڕ، توانیی دوو ڕێكۆردی جیهانی و ئۆلەمپیكی لە حاڵەتی دوو زەرب‌دا ببڕێت و ناوی خۆی وەكوو نوێترین ڕێكۆردداری ئەو ڕشتە وەرزشییە تۆمار بكات. كیانووش ڕۆستەمی تەمەن ٢٦ ساڵ، و لەگەڵ ١٠ وەرزشوانی دیكه، كاتژمێر ٢:٣٠ خولەكی ئەمڕۆ شەممە، ڕێكەوتی ٢٣ی گەڵاوێژی ١٣٩٥ی هەتاوی، ئەو ڕێكۆردەوی بۆ خۆی تۆمار كرد. میداڵی زێڕی ئەو وەرزشوانە كوردەی خەڵكی كرماشان، بە ١٦ـەهەمین میداڵی زێری مێژووی وەرزشیی ئێران ئەژمار دەكرێت. ئۆلەمپیكی ڕیۆ ٢٠١٦ی زایینی، بە بەشداریی ٢٠٧ وڵاتی جیهان لە وڵاتی برێزیل بەڕێوە دەچێت.




ورمێ: بەرپرسانی قەزایی ئێعدامی زیندانییەكی سیاسی كوردیان پشتڕاست كردەوە
محەممەد عەبدوڵڵاهی بە تاوانی ئەندام بوون لە یەكێك لە حیزبە كوردییەكانی دژبەری حكوومەتی ئیسلامیی ئێران لەسێدارە درا. بەپێی ڕاپۆرتی ئاژانسی هەواڵدەریی كوردپا، بە دەسەڵاترین كەسی دەزگای قەزایی لە شاری ورمێ، دووپاتی كردەوە كە ئێعدام كردنی ئەو زیندانییە سیاسییە كوردە بە هۆی تاوانی "محاربە"ەوە بووە. بە وتەی بەرپرسی گشتیی دادگوستەریی پارێزگای ورمێ؛ محەممەد عەبدوڵڵاهی ئەندامی سازمانی "كۆمڵە"ی ئێران بووە. حەیدەری لە وتوێژێكدا لەگەڵ هەواڵدەریی "میزان"، لە دەستەواژی "چد انقلاب و معاند" كەڵكی وەرگرت كە لە ئەدبیاتی سیاسیی حكوومەتی ئێراندا، ئاماژەیە بەو حیزبە و لایەنانەی كە دژبەری دەسەڵاتدارانی ئێستای ئێرانن. دووپات كردنەوەی "تاوانی ئەمنیەتی" و "جێبەجی كردنی حوكمی ئێعدام" لەلایەن تەوەكول حەیدەری لە كاتێكدایە، كە ماوەیەك پێش، عەلی جەلیلی، بەڕێوەبەری گشتیی زیندانەكانی پارێزگای ورمێ، ئێعدام كردنی زیندانییەكی سیاسیی كوردی لە شاری ورمێ ڕەت كردبووە. ڕۆژی سی شەممە ١٩ی گەلاوێژ، محەممەد عەبدوڵڵاهی، چالاكی سیاسی كورد كە لە مانگی ڕەشەممەی ٨٩ دەستبەسەر و خاكەلێوەی ١٣٩٣ی هەتاوی حوكمی ئێعدامەكەیان پێڕاگەیاندبوو، لە زیندانی ناوەندەی ورمێ ئێعدام كرا. بەپێی ڕاپۆڕتە بڵاوكراوەكان، محەممەد عەبدوڵڵاهی لە كاتی گواستنەوەی‌ لە ژووری تاكەكەسیی ژمارەی ٦ەوە، هەتا شوێنی ئێعدام كرانەكەی، سروودی شۆڕشگیرانەی وتووەتەوە. هاوكات لەگەڵ ئەو زیندانییە كوردە ، لانیكەم چوار زیندانی دیكەش بە تاوانی پەیوەندییدار بە مادەی هوشبەر لە سێدارە دران.






دوو زیندانیی سیاسی كورد چارەنووسیان ناڕوونە
دوو زیندانیی سیاسی كورد، سەرەڕای تەواو بوونی ماوەی زیندانییەكەیان، هێشتا هەر لە زیندان ڕاگیراون. بەپێی هەواڵی هەواڵدەریی كوردپا، دوو زیندانیی كورد بە ناوەكانی "یووسف كاكەمەمی و عەلی ڕەزا ڕەسووڵی"، پاش تەواوبوونی ماوەی زیندانییەكەیان، هەێشتاش لە زیندانی ناوەندیی شاری ورمێ‌دان. یووسف كاكە مەمی، بە تاوانی هاوكاری لە گەڵ پارتی ژیانی ئازادی كوردستان(پژاك)، لە ڕێكەوتی ٢ی خەزەڵوەری ساڵی ٨٦ی هەتاوی، دەستبەسەر، و دادگای ئینقلابی شاری مەهاباد، ٩ ساڵ زیندانی بۆ ئەو هاووڵاتییە كوردە بڕیبووەوە. بەپێی بڕیاری بەشی بەڕێوەبەریی حوكمی زیندانی ناوەندیی ورمێ، ڕێكەوتی ئازاد كردنی ئەو زیندانییە كوردە، ٢٢ی گەلاوێژی ئەمساڵ ڕاگەیەنرابوو، بەڵام بە هۆی ساز كردنی دۆسیەیەكی نوێ بۆ ئەو زیندانییە سیاسییە كوردە، لە مانگی بەفرانباری ٩٤ەوە، هێشتا لە زیندان ڕاگیراوە. لە دوسیە سازیی نوێیدا، یووسف بە تاوانی نامە نووسین بۆ دەفتەری ڕێپورتێری تایبەت بە ڕێكخراوی نەتەوە یەكگرتووەكان، لەلایەن دادگای ئینقلابی شاری ورمێ، بە ٥ ساڵ زیندانی تەعزیری مەحكووم كرابوو. هەروەها، عەلی ڕەزا ڕەسووڵی، پاش بەڕێوەچوونی كۆبوونەی پشتیوانی لە كچانی شیناوێ، بە تاوانی ئەمنیەتیی دژی تەناهیی نەتەوەیی، لە ڕێكەوتی ٥ی ڕەشەممەی ٩١ی هەتاوی دەستبەسەر، و لەلایەن دادگای ئینقلابی شاری پیرانشارەوە بە ٤٢ مانگ زیندان حوكم داربوو. عەلی ڕەزا لە مانگی جۆزەردانی ٩٤ی هەتاوی، بە تاوانی ناڕەزایەتی لە شاری مەهاباد بە نیسبەت مردنی گوماناویی فەریناز خوسرەوانی، بەشداری لە مانگرتنی ٣٣ ڕۆژەی زیندانییانی سیاسیی مەحكووم بە ئێعدام ، و تاوانی پەیوەندییدار بە مادەی هوشبەرەوە، ڕەوانەی ژووری تاكەكەسی كراوە و لێكۆڵینەوەی لەگەڵ كراوە. عەلی ڕەزا لە ڕەنج نامەیەكدا، سەبارەت بە ناجێگربوونی باری تەندروستیی خۆی نوسیوویەتی: من نەخۆشم و سەرەڕای چارەسەری سەرەتایی، لەلای چەپی مێشكمەوە "تومور"ێك هەیە و كڵوكی لاقی ڕاستیشم بە تەواوەتی شكاوە.



كوڵبەرێكی ژن بە گوللەی هێزەكانی رژیم كوژرا
لەئەنجامی تەقەی راستەخۆی هێزە ئینتیزامییەكانی سەر بە پاسگای تورجان لە ژنانی كۆڵبەر، ژنێكی خەڵكی ناوچەی سەردەشت گیانی دا. بەپێی ئەو هەواڵەی بە زاگرۆسپۆست گەیشتووە، پاشنیوەرۆی پێنجشەممە 21ی گەلاوێژ هێزە ئینتیزامییەكانی پاسگای تورجان لە نزیك گوندی شاریكەند تەقە لە كاروانی كۆمەڵێك ژن دەكەن كە بۆ بژیوی ژیانیان كاری كۆڵبەری دەكەن‌و لەئەنجامدا ژنێكی تەمەن 36 ساڵ بەناوی ژاڵە قادرزادە كچی سەعید خەڵكی ناوچەی سەردەشت گیان دەدات. ئەمەش لەكاتێكدایە هەمان رۆژ لەكردەوەیەكی هاوشێوەدا كۆڵبەرێكی خەڵكی باشوری كوردستان بە ناوی بێژوان مستەفا، تەمەن 20 ساڵ خەڵكی گوندی شابەدین لە هەرێمی كوردستان، لەناوچەی بانە بە گوللەی راستەوخۆی هێزەكانی ئینتیزامی رژیمی ئاخوندی  كوژرا.





دوو هەڵسوڕاوی كچ لەلایەن هێزەكانی ئیتلاعاتەوە بێسەروشوێن كراون
دوو هەڵسوڕاوی كچ كە هەر كام بەجیا ماوەیەكە لەلایەن هێزەكانی ئیتلاعاتەوە رفێنراون، تا ئێستاش چارەنوسیان نادیارە. كچە كوردێكی تەمەن 22 ساڵەی بۆكانی بەناوی “مەنیژە فاتحی”، كە ماوەی زیاتر لە 5 مانگ لەمەوپێش لە لایەن ئیتلاعاتی ئەو شارەوە دەستیگر كراوە تا ئێستا بێ سەروشوێنە و سەرەڕای سەردانی چەندین جارەی بنەماڵەكەی بۆ ناوەندە ئەمنییەكانی رژمی هیچ زانیارییەك لەسەر ناوبراو نەزانراوە. لەلایەكی ترەوە سەحەر فەیزی، كچە كوردی خوێندكاری بواری بەڕێوبەربەریی بازرگانیی زانكۆی تەورێز، كچی مستەفا و تەمەن ٢٤ ساڵان كە ڕۆژی چوارشەممە 23ی پووشپەڕی ١٣٩٥ی هەتاوی، لەلایەن ئیتلاعاتی ڕژیم لە شاری سەقز دەستگیر‌و رەوانەی شوێنێكی نادیار كراوە كە تا ئێستاش چارەنوسی نادیارە.





سێ هاووڵاتیی عەرەب و بەلووچ دەستبەسەر كران
سێ هاووڵاتیی عەرەب و بەلووچ، لە چەند ڕۆژی ڕابردوودا، لەلایەن هێزە ئەمنیەتییەكانی حكوومەتی ئێرانەوە دەستبەسەر و بۆ شوێنێكی نادیار ڕاگوێزران. بەپێی هەواڵدەریی كوردپا، هێزە ئەمنیەتییەكان لە شاری ئەهواز، ڕۆژی هەینی ٢٢ی گەلاوێژ، دوو هاووڵاتیی عەرەبیان لە ماڵەكەی خۆیاندا دەستبەسەر كرد و بۆ شوێنێكی نادیار ڕایانگواستن. شوناسی ئەو دوو هاووڵاتییە عەرەبە، بە ناوەكانی "ڕەیاز بترانی" تەمەن ٢٠ ساڵە و "وەلید عوبیداوی" خەڵكی كوی عەبدوڵڵایی ئەهواز ڕاگەیەنراوە. دەگوترێ، برایەكی ڕەیاز بترانی، خەڵكی كوی عەلوی ئەهوازە و یەكێك لە كوژراوەكانی ڕوودوای پشێویی ئەهواز لە ساڵی ٨٤ی هەتاوییە، و ئەو بنەماڵەیە بە هۆی چالاكییەكانیان چەندین جارچەندین جار لەلایەن ئیدارەی ئیتلاعاتی شاری ئەهوازە دەستبەسەر كراون. هەواڵدەریی چالاكانی مافی مرۆڤی ئێران "هێرانا"، لەو بارەیەوە بڵاوی كردەوە؛ دایكی ڕیاز لەكاتی دەستبەسەر كردنی كوڕەكەی‌دا، دەستی كردەوە بە دروشمدان لە دژی هێزەكانی حكوومەتی و ئەمەش بووتە هۆی شكاندنی كەرەسە و پشكنینی ماڵەكەیان و ئەو باوكی ئەو زیندانییەش، دەستبەسەر كراوە. هەر لەو پەیوەندییەدا، هاووڵاتییەكی بەلووچ بە ناوی "ڕەحیم بەخش" كوڕی دڵگوش، ڕۆژی پێنج‌شەممە ڕێكەوتی ٢١ گەلاوێژ، لە ناوچەی كوەون سەر بە شاری سەرباز، لە پارێزگای سیستان و بەلوچستان، لەلایەن هێزەكانی ئیتلاعاتی ئەو شارەوە دەستبەسەر كرا. ئەو هاووڵاتییە بەلووچە دوكاندارە و هەتا ئێستا هۆكاری دەستبەسەر كردنەكەی ناڕوونە.





خۆكوژی منداڵان لە ئیران مەترسیدار بووە
"هادی شەریعەتی"، زانای یاسا و چاڵاكی مافی مرۆڤی منداڵان، لە وتووێژێك لەگەڵ "ئیلنا"، هەواڵدەریی كاری ئێران، جەختی كردۆتەوە كە؛"خۆكوژیی منداڵان لە ئیراندا، مەترسیدار بووە و ئازاری منداڵان، گوشاری سیستمی پەروەردە، پێكهێنانی ژیانی هاوبەشی زۆرە ملی، نەبوونی و نەداری، نادادپەروەری، لاسایی كردنەوەی دیمەنی ئێعدام، دەتوانێ بەشێك لە هۆكارە سەرەكیی و گرینگەكانی خۆكوژی لە نێوان منداڵان و مێرمنداڵان لە ئێران و بە تایبەتی لە ناوچە سنوورییەكان، بە ئەژمار بێت. بەپێی هەواڵە بڵاوكراوەكان، "محەممەدڕەزا مۆخبێر دێزفوولی"،سكرتێری شوورای ئینقلابی فەرهەنگی، لە دانیشتنێك لە گەڵ هەواڵدەریی "ئیسنا"دا، ڕایگەیاندووە كە؛ "بەپێی ئەو كۆبوونەوە و دانیشتنانەی كە لەگەڵ "عەلی خامنەیی" بوومانە، ئەم بابەتە بووەتە بابەتێك بۆ خەسار ناسیی كۆمەڵایەتی و دەبێ ڕاپۆرتێك سەبارەت بەم گیروگرفتە كۆمەڵایەتییە بنووسڕێت." بەپێی ڕاپۆرتەكان، ئاماری گیرۆدە بووان بە مادەی هۆشبەر، لانیكەم سەدی ١١ی حەشیمەتی گشتیی وڵاتی پێكهێناوە، و بەداخەوە تەمەنی ڕووهێنان بە مادەی هۆشبەر، لە ئێران زیادی كردووە و ڕێژەی گیرۆدە بووان بە مادەی هۆشبەر لە نێوان ژنانیشدا بەرز بووەتەوە.




شاندێكی ئەمنی هەرێمی كوردستان لەگەڵ سەرۆكی ئەنجومەنی ئاسایشی ئێران لە تاران كۆبووەوە
بەپێی هەواڵێكی ئاژانسی هەواڵی تەسنیمی ئێران، شاندە ئەمنییەكەی هەرێم ڕۆژی یەكشەممە، ٢٤ی گەلاوێژ لەگەڵ ئەنجومەنی ئاسایشی ئێران لە تاران كۆبوونەوە و باسی ئەوە كراوە،" ئەمنیەت لە سنوورەكان بۆ رژیمی ئێران هێڵی سوورە، و هێزە ئەمنیەتی و نیزامییەكانیان، بەتوندی ڕووبەڕووی چالاكییەكانی حیزبە كانیكوردستانی ئێران دەبنەوە. سكرتێری ئەنجومەنی ئاسایشی نیشتمانی ئێران هەروەها وتوویەتی لەسەر هاوهەڵوێستی لایەنەكانی هەرێمی كوردستان لە چوارچێوەی عێراقێی یەكگرتوودا، ڕاشیگەیاندووە، "كە پاراستنی ئاسایشی سنوورەكان دەبێتە هۆی گەشەسەندنی پەیوەندییە ئابورییەكانی نێوان هەرێم و ئێران". هەر بەپێی هەواڵەكە، كەریم سنجاری سەرۆكی شاندە ئەمنییەكەی هەرێم لە كۆبوونەوەكەدا ئێرانی وەك دۆستێكی متمانەپێكراوی هەرێمی كوردستان ناوبردووە و ، رایگەیاندووە، "هەرێمی كوردستان ڕێگە بە ئاژاوەگێری هیچ گروپ و لایەنێك نادات لەسەر سنوورە هاوبەشەكانی نێوان هەرێم و ئێراندا".





سپای پاسداران تەقەی لە هاووڵاتییەكی كورد كردووە
هاووڵاتییەكی كورد لە ناوچەی مەرگەوەڕی ورمێ، لەلایەن هەنگی سنووریی سپای پاسدارانەوە تەقەی لێ كرا. بەپێی ئاژانسی هەواڵدەریی كوردپا، ئێوارەی ڕۆژی ڕابردوو، ٢٣ی گەلاوێژ، هاووڵاتییەكی كورد لە ناوچەی مەرگەوەڕی ورمێ، كەوتە بۆسەی هێزە چەكدارەكانی سپای پاسدارانەوە. ناسنامەی ئەو كەسە سڤیلە، ڕەزا ئایینی، لە دانیشتووانی گوندی ""چریك‌ێ‌باد"ی سیلوانا ڕاگەیندراوە. لە ڕاپۆرتی گەیشتوودا هاتووە، ناوبراو دوو گوللەی بەر لەگەن و زگی كەوتووە و بە توندی بریندار كراوە، و ئێستا لە نەخۆشخانەی "خومەینی"ـی ورمێ لە كۆمادایە. لەدرێژەی ڕاپۆرتەكەدا، باس لەوە كراوە كە ڕەزا هیچ چەشنە كەلوپەل و بارێكی پێ نەبووە و تەنیا وەك كەسێكی ئاسایی سەردانی خزم و كەسی لەو ناوچەیە كردووە. هێزە چەكدارەكانی حكوومەتی ئێران، لە ناوچەكانی كوردستان، بە بیانووی " مأموریت مرزبانی" خەڵكی سڤیل دەدەنە بەر دەستڕێژی گوللە و زۆرجاریش گیان دانی هاووڵاتییانی كوردی لێ دەكەوێتەوە.





حكومەتی كوەیت: ١٠ هاووڵاتی ئێرانیمان دەستگیر كردووە ویستویانە بێنە كوەیتەوە

وەزارەتی ناوخۆی كوەیت ئاشكرایكرد،ئەمڕۆ ١٤ی ئابی ٢٠١٦ دە هاووڵاتی ئێرانیان دەستگیركردووە كە ویستوویانە لە ڕیگەی دەریاوە و لە ناوچەی ئەبو حەسانیەی خۆرئاوای وڵاتەوە بێنە كوەیتەوە. بەڕێوەبەرایەتی گشتی پەیوەندییەكانی وەزارەتی ناوخۆی كوەیت بڵاویكردەوە، ئەو كەسانە لەلایەن تیمی چاودێری هێزەكانی پاسەوانی سنوری دەریایی كوەیت بیراون و دەستگیر كراون.وەزارەتی ناوخۆی كوەیت بڵاویكردەوە، ئەو كەسانە لە ڕیگەی بەلەمێكەوە خۆیان گەیاندووەتە كەنارەكانی ناوچەی ئەبو حەسانیە ، كاتێك لەلایەن هێزەكانی پاسەوانی دەریایی ناوچەكەوە پێیانزانراوە بە بەلەمەكەیانەوە هەڵاتوون، بەڵام دواتر سەرجەم دەستگیركراون.وەزارەتی ناوخۆی كوەیت جەختیكردەوە، یەكێك لەو هاووڵاتییە ئێرانیانە لەكاتی دەستگیركردنی بەرگری كردووە و پابەند نەبووە بە ڕێنمایی و فەرمانی هێزەكانی پاسەوانی دەریایی ناوچەكەوە و برینداربووە، دواتر سەرجەمیان ڕەوانەی لایەنی پەیوەندار كراون بۆ لێپرسینەوە و گرتنەبەری ڕێوشوێنی یاسایی لە دژیان.ناوبەناو لە سنورە دەریاییەكانی كوەیت و چەند دەوڵەتێكی دیكەی كەنداو، بەهۆی پێشێلكردنی سنوری دەریایی ناوچەكەوە، تا ئێستا چەند جارێك ڕاوچی ماسی ئێرانی دەستگیر كراون، دوای لێكۆڵینەوە و هەماهەنگی لەگەڵ هێزە دەریاییەكانی ئێران لە كەنداو ئازاد كراون.





لەبارەی شەڕی میحوەرەكانی خازر و گوێر حكومەتی هەرێم پەیامێكی بڵاوكردەوە
حكومەتی هەرێمی كوردستان پەیامێكی بڵاوكردەوە و پیرۆزبایی سەركەوتنی هێزەكانی پێشمەرگە لە میحوەرەكانی خازر و گوێر دەكات. سەفین دزەیی وتەبێژی حكومەتی هەرێم ئەمڕۆ ١٤ ی ئابی ٢٠١٦ پەیامێكی بڵاوكردەوە و ڕایگەیاند، سەربەرزن بەو سەركەوتنانەی هێزی پێشمەرگە لەبەرەكانی جەنگ لە هەردوو میحوەری خازر و گوێڕ تۆماریان كرد.وتەبێژی حكومەتی هەرێم ڕاشیگەیاندوە، پێشمەرگە هەمیشە كاریگەرترین هێزی شەڕكەر بووە لە جەنگی دژی داعشدا و پیرۆزبایی گەرم لە سەركەوتنەكان دەكات.لە هێرشەكانی هێزەكانی پێشمەرگەدا لە میحوەرەكانی خازر و گوێر بۆسەر چەكدارانی داعش و توانیویانە ٩ گوندی ناوچەكە كۆنتڕۆڵبكەنەوە و تائێستاش دوو پێشمەرگە شەهیدبوون و ژمارەیەكی دیكەش لە ڕوبەڕوبوونەوەكاندا برینداربوون.سیروان بارزانی  ووتی: ئەمە یەكەمینجارە تۆپخانەكانی هاوپەیمانانیش هاوكارمان بوون جگە لە فرۆكەكانی هاوپەیمانان". سیروان بارزانی ئاماژەی بۆ ئەوەشكرد، كە ڕەنگە هەتا كاتژمێرێكی تر تەواوی گوندەكان كەبەرنامەمان بۆ دانابوو كۆنتڕۆڵ بكەینەوە.ئەوە لەكاتێكدایە ئۆپراسیۆنەكە لە كاتژمێری پێنجی بەرەبەیانی ئەمڕۆوە دەستیپێكردووە و پێشمەرگە بەرنامەی هەیە ١١ گوند لە میحوەری گوێڕ و خازر كۆنتڕۆڵ بكەنەوە.




حەوت هۆكار بۆ خواردنی خەیارێك ڕۆژانە
پزیشكان و پسپۆڕان ئاماژە بەوەدەكەن كە پێویستە لیستی خۆراكەكانی ژەمەكانی ڕۆژانەت بێ خەیار نەبێت، بەهۆی بوونی حەوت هۆكاری گرنگ لە پێكهاتەی خەیاردا، ئەگەر دەتەوێت تەندروستیەكی گونجاو هەبێت.
1-خەیار بە ڕێژەی لە %95 ئاوی تێدایە، ئەمەش هۆكارێكە بۆ پاراستنی ئاستی شلەمەنی لە لەشدا.
2-بەهۆی پێكهاتەی ڕیشاڵیەكان لە خەیاردا، باشترین یارمەتیدەر و هۆكارە بۆ دابەزاندنی كێش و نەهێشتنی قەڵەوی.
3-بڕێكی زۆر لە پێكهاتە و ماددەی خۆراكی سودبەخش وەك ڤیتامین سی و بی لە خەیاردا هەیە، باشترین سەرچاوەن بۆ تەندروستی لەش.
4-كالسیۆم و كانزا و مەگنسیۆم و فۆسۆفۆڕ ماددەیەكی خۆراكی سوودبەخشن بۆ ئێسك و ماسولكەكان، ئەم ماددەیەش یەكێكە لە پێكهاتەكانی خەیار.
5-خەیار چارەسەرێكی زۆر باشە بۆ نەخۆشی شەكرە و هۆكارێكە بۆ دابەزاندنی شەكری خوێن.
6-كرداری هەس خێرادەكات چونكە ئەنزیمی ئیریبسنی تێدایە، كە باشترین هۆكارە بۆ هەرسكردنی پێكهاتە خۆراكە پڕۆتینیەكان.
7-لەگەڵ هەموو ئەو سوودانەدا، خەیار سەرچاوەیەك بۆ جوانكاری، خواردنی هۆكارێكە بۆ گەشانەوە و شێداری پێست و دەتوانیت وەك ماسكێك لەگەڵ هەنگویندا بەكاریبهێنیت بۆ پێست، یاخود بۆ لابردنی ڕەشیەكانی ژێر چاو یان چرچیەكانی دەوری چاو پارچەیەك خەیار بخەیتە سەر چاوەكانت بۆ ماوەی چەند خولەكێك.











ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کوردستانی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کوردستانی:
هاتنى مانگى ره‌مه‌زان له‌سه‌رجه‌م په‌یره‌وانى دینى ئیسلام پیرۆز بی


   پله‌ دانان بۆ بابه‌ت
نێوه‌نجی : 5
ژماره‌ی ده‌نگه‌کان: 1


ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان