ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 27 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

سوپاسنامەی سازمانی خەبات بە بۆنەی بەرێوەبردنی بە شكۆیانەی رێورەسمی نەورۆز لە كوردستانی ئێران

كردەوە تیرۆریستیەكەی لەندەن بەتوندی مەحكوم دەكەین

1ی خــاكـــه‌لـێوه‌ یادی 33 ساڵەی دەرچوونی یەكەم ژمارەی تێكۆشان پیرۆز بێ

پەیامی ڕێکخراوی ئافرەتانی خەباتی کوردستان بەبۆنەی نەورۆز و ساڵی تازەی کوردیەوە

پەیامی نەورۆزیی بەرێز و تێكۆشەر كاك بابەشێخی حسێنی بەرێوەبەری گشتی سازمانی خەبات

نەورۆز هێمای ژیانەوەو پێكەوە بوون، پیرۆز بێ

هه‌ڵه‌بجه‌ ناسنامه‌ی گه‌لێكی چه‌وساوه‌

گەورە نووسەر و ئەدیب محەمەدی مەلا كەریم كۆچیی دوایی كرد

پەیامی رێكخڕاوی ئافرەتانی خەبات ی کوردستانی ئێران بەبۆنەی 8ی مارس رۆژی جیهانی ژنان

پەیامی كاك بابەشێخی حسێنی بەرێوەبەری گشتی سازمانی خەبات بەبۆنەی 8ی مارس رۆژی جیهانی ژن

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
8665868
جار بینراوه‌ . Juni 2007

   ڕاپرسی
ئەو بابەتانەی لە كۆنگرەی شەشەمدا سازمانی خەبات دەبێ گرینگی زیاتری پێ بدات؟

رێكخستنەوەی ئورگانەكان
رێكخستنی دەرەوەی وەڵات
تەشكیلاتی ناوخۆی وەڵات
دیپلۆماسیەت و پەیوەندیەكان
چاپەمەنی و راگەیاندن
رێكخستنەوەی هێزی پێشمەرگە



ئاکامه‌کان
ڕاپرسی‌یه‌کان

ژماره‌ی ده‌نگه‌کان 14

هەواڵەكانی كوردستان و ئێران و جیهان (30ی گەلاوێژی 1395)

مێژووی ناردن : Saturday, August 20 @ 15:44:21 UTC





كرێكارێكی كورد لە كامیاران گیانی دا
كرێكارێكی كورد خەڵكی ئاوایی تیلەكۆ سەر بەشاری كامیاران لەرووداوێكدا كەوتە ناو بیری ئاوو بەهۆیەوە گیانی دا. بەپێی هەواڵی زاگرۆس پۆست ، رۆژی هەینی 29ی گەلاوێژ، كرێكارێكی كورد بەناوی یەدوڵا سابیری تەمەن 40 ساڵ خەڵكی ئاوایی تیلەكۆ، لەكاتی كاركردندا دەكەوێتە ناو بیرێكی ئاو و بەهۆیەوە گیانی دا. ساڵانە بەهۆی نەبوونی خۆپاراستنی كار، ژمارەیەك زۆر كرێكار لە ئێران‌و كوردستان گیان  دەدەن.





دوو كاسبكاری كورد بە گوللەی هێزەكانی رژیم گیانیان دا
لەناوچەی شنۆ ‌و دیواندەرە ‌و لەدوو تاوانی جیاجیا، هێزەكانی سوپای پاسداران دوو كاسبكاری كوردیان بە دەستڕێژی راستەوخۆی گوللە كوشت. بەپێی هەواڵی زاگرۆس پۆست ، نیوەشەوی 28 گەلاوێژ كۆڵبەرێكی كورد بەناوی خالید بەنگینی خەڵكی ئاوایی هەق سەربەناوچەی نەلۆس بەهۆی دەستڕێژی گوللەی هێزەكانی سوپای پاسداران لەناوچەی شنۆ گیانی دا. خالید بەنگینی تەمەنی 30‌و خێزاندار‌و خاوەنی 2 منداڵە كە بۆ دابینكردنی بژیوی ژیانی خێزانەكەی كاری كۆڵبەری دەكرد. لەلایەكی ترەوە رۆژی 27ی گەلاوێژ هێزی ئینتیزامی رژیم لە ئاوایی گوڕباوەڵێ سەر بە شاری دیواندەرە تەقەیان لە كاسبكارێكی كورد بەناوی بەها گوڵمحەمەدی تەمەن 30ساڵ‌و خەڵكی شاری سەقز كرد كە بەهۆیەوە گیانی دا. 




وەرزشوانانی كورد شانازیەكی دیكەیان تۆمار كرد
لە ئەنجامی كێبڕكێ وەرزشییەكان، وەرزشوانانی كورد جارێكی دیكە لێهاتوویی خۆیان سەلماند و دوو مێداڵی زێڕیان لە كارنامەی خۆیاندا تۆمار كرد. بەپێی ڕاپۆرتی هەواڵدەریی كوردپا، ڕۆژی پێنج شەممە ڕێكەوتی ٢٨ی گەلاوێژ، وەرزشوانێكی كورد خەڵكی شاری "دەڕەشار" بە ناوی "ئەمیر ڕەزا قوچی" لە كێشی ٤٠ كیلۆ و لە بواری " كیك بوكسینگ" توانی بەسەر ڕكەبەرەكانی خۆیدا سەركەوێ و شانازییەكی دیكە بە ناوی خۆیەوە تۆمار بكات.هەڤدەیەمین كێبڕكێی قارەمانیەتی كیك بوكسینگ لە پارێزگای یەزد، بە بەشداری ١٧ تیم بەرێوەچوو، كە ئەو وەرزشوانە كوردە میداڵی زێڕی بەدەست هێنا.ڕەزا قوچی هەتا ئێستا خاوەنی سێ میداڵی زێڕ و بورۆنزی لە كارنامەی خۆیدا تۆمار كردووە.هەرلەو پەیوەندییەدا، ئاشۆ ئەحمەدی وەرزشوانێكی دیكەی كورد لە كێبڕكێی قایقڕانی ئیسلالوم، توانی پلەی یەكەم لە نێو ١٣٠ قایقڕان، بەدەست بهێنێ.كێبڕكێی قایقڕانی لە دوو بەشی لاوان و گەورەساڵان بەڕێوەچوو، كە وەرزشوانی كورد ئاشۆ لە شاری مەریوان پلەی یەكەمی بەدەست هێنا.كێبڕكی قارەمانیەتی قایقڕانی ئیسلالوم، كە تێدا ١٣٠ وەرزشوان لە ١٤ پارێزگای ئێران بەشداربوون بۆ ماوەی یەك ڕۆژ لە ڕووباری "زایندە رود" بەرێوەچوو.قایقڕانی ئیسلالوم بە ئینگلیسی whitewater slalom یا كانو ئیسلالوم، لە ئاوە خڕۆشانەكان بە خیڕایەكی زۆرەوە بەرێوە دەچێت و یەكەمین كێبڕكێی جیهانی كانو ئیسلالوم لە ساڵی ١٩٤٩ی زایینی لە وڵاتی سوئیس، شاری ژنێف بەڕێوەچووە.




ورمێ/ هێزە حكومەتییەكان باوك و كوڕێكیان دەستبەسەر كرد
لە درێژەی دەستبەسەركردنی هاووڵاتییانی كورد، لە كوردستانی ڕۆژهەڵات، هێزە ئیتلاعاتییەكان لە شاری ورمێ دوو هاووڵاتیی كوردیان دەستبەسەر كرد.بەپێی هەواڵی هەواڵدەریی كوردپا، ڕۆژی ٢٧ی گەلاوێژ هێزە ئیتلاعاتییەكان لە شاری ورمێ دوو هاووڵاتیی كوردیان، پاش ١٢ ڕۆژ ڕاگرتن لە گرتووخانەی ئیتلاعات، بۆ زیندانی ناوەندی شاری ورمێ ڕاگواستووە.ماڵپەڕی مافی مڕۆڤی كوردستان لەو بارەوە ڕایگەیاند: ئەو دوو هاووڵاتییە كوردە، باوك و كوڕ بوون كە لە ڕیكەوتی ١٥ گەلاوێژەوە لەلایەن ‌هێزە ئەمنیەتییەكانی شاری ورمێ دەستبەسەر كراون.شوناسی ئەو باوك و كوڕە بە ناوی حەسەن پەیغامی (باوك) و فەرهاد پەیغامی (كوڕ) ڕاگەیەنراوە.فەرهاد پەیغامی خوێندكاری بەشی مێعماری زانكۆی ورمێیە و لە كاتی گەڕانەوەیدا بۆ ماڵی خۆیان لە یەكێك لە شەقامەكانی ئەو شارە دەستبەسەركراوە.هێزە ئیتلاعاتییەكان، پاش دەستبەسەر كردنی فەرهاد، چوونەتە ماڵی باوكی فەرهاد و دەستیان كردووە بە پشكنین و هێندێك كەرەستە و وەسایلی شەخسی ناوبراویان لەگەڵ خۆیان بردووە.دەوترێ هێزە ئەمنیەتییەكانی حكوومەتی ئیسلامیی ئێران، باوكی ئەو خوێندكارە كوردەیان دەستبەسەر كردووە.هەواڵنێری كوردپا لە شاری ورمێ ڕایگەیاند؛ هێرە ئیتلاعاتییەكان بۆ وەرگرتنی دان پێدانانی زۆرەملی لە فەرهاد دەستیان كردووە بە لێدان و ئازار و ئەشكەنجەی ناوبراو، پاش ١٢ ڕۆژ بە جلوبەرگی خوێناویەوە لەگەڵ باوكی ، ڕێكەوتی ٢٧ی گەلاوێژ بۆ زیندانی ناوەندی دەریای شاری ورمێ گوازرانەتەوە.بەپێی ئەو ڕاپۆرتە، لە سەر بڕیاری بەرپرسانی زیندان حەسەن پەیغامی بۆ بەندی ٣و ٤ كە تایبەتە بە بەندی زیندانیانی پەیوەندیدار بە مادەی سڕكەر و هەروەها فەرهادیش بۆ بەندی لاوەكان گوازراونەتەوە.ئەو خوێندكارە كوردە ڕایگەیاندووە، ئامادە نییە جلوبەرگە خوێناوییەكەی لە بەر دابكەنێت و لە لێكۆڵەرەوەكانی گرتووخانەی شاری ورمێ سكاڵا دەكات.پێشتریش، حەسەن پەیغامی بە تۆمەتی "هەوڵدان دژی تەناهی نەتەوەیی " لە ساڵی ٨٧ی هەتاوی دەستبەسەر و بۆ ماوەی دوو ساڵ لە زیندانەكانی تەورێز و ورمێ دا ڕاگیرابوو.ناوەندەكانی داكۆكیكاری مافەكانی مرۆڤ بەردەوام باسیان لەوە كردووە كە وەزارەتی ئیتلاعات یەكێك لە ئۆرگانە سەرەكییەكانی پێشێلكاری مافەكانی مرۆڤ لە ئێرانە كە بەشێوەی سیستماتیك لە ڕەوتی سەركوتی ئازادییەكان بەشداریی هەیە.




تەرمی هاووڵاتییەك لە ڕووباری سەقز دۆزرایەوە
هاووڵاتییەكی كوردی خەڵكی شاری سەقز، بە هۆی كێشە و گرفتی ژیان و گوزەرانیەوە، هانای بۆ خۆكوژی برد.بەپێی هەواڵی هەواڵدەریی كوردپا، ڕۆژی چوار شەممە ڕیكەوتی ٢٧ی گەلاوێژ، پیاوێكی تەمەن ٤١ ساڵە، خەڵكی شاری سەقز، خۆی هەڵواسی و كۆتایی بە ژیانی خۆی هێنا.ماڵپەڕی نێوخۆیی ساكاپرس، شوناسی ئەو هاووڵاتییە كوردەی بە ناوی"ت،ر" ڕاگەیاندووە.ئەمە شەشەمین خۆكوژییە لە شاری سەقز كە لە سەرەتای ئەمساڵەوە هەتاكوو ئێستا ڕوو دەدات.بە پشت بەستن بە ناوەندی ئاماری تۆمار كراو لە ئاژانسی هەواڵدەریی كوردپا، بە خۆكوژی ئەم هاووڵاتییە كوردەەوە، لە ئەمساڵدا زیاتر لە ١٥ حاڵەتی خۆكوژی لە نێو پیاواندا تۆمار كراوە.




دوو ئاسەواری مێژوویی پێش لە سەردەمی ئیسلام لە كوردستان دۆزرایەوە
دێرینەناسەكان لە كاتی لێكۆڵینەوە لە ئاسەوارە كۆنەكانی كوردستان، لە شارەكانی مەریوان و سەردەشت، ئاسەواری مێژوویی هەزارەی یەكەمی پێش لە ئیسلامیان دۆزیەوە.بەپێی ڕاپۆڕتی هەواڵدەریی كوردپا، پاش لێكۆڵینەوە لە تەپۆڵكەی مێژوویی "تەرخان ئاوا"ی شاری مەریوان، هێندێك ئێسك وكەللە سەری مڕۆڤیان لەو تەپۆڵكەیە دۆزییەوە.دۆزراوە نوێیەكان لە باشووری شاری مەریوان، سێ گۆڕی كووپەیی بوو، كە مێژووەكەیان بۆ كۆتاییەكانی سەردەمی ئەشكانییەكان و سەرەتای ساسانییەكان دەگەڕێتەوە، و لەلایەن كارناسانی ئاسەوارناسییەوە پشتڕاست كراوەتەوە.ئیمپراتۆریی ئەشكانییەكان پێش لە ئێمپراتوری ساسانییەكان بووە و لە ساڵی ٢٤٧ی پێش زایین هەتا ٢٢٠ی پاش زایین، لە ناوچەكانی فوراتەوە هەتا هێندوكیش و لە قەفقازیشەوە هەتا كەنداوی فارس فەرمانڕەواییەتیان كردووە.بەپێی ڕاپۆرتی هەواڵدەریی ئیسنا، تەپۆڵكەی تەرخان ئاوا، لە ساڵی ١٣٧٧ی هەتاویەوە لە لیستی ئاسەواری میللی‌دا تۆمار كراوە.هەروەها هەڵكۆڵینی ئاسەوارناسەكان لە دەورووبەری شوێنەواری كەونارای"باڵان"ی شاری سەردەشت دۆزینەوەیەكی نوێی تۆمار كرد.ئاسەوارە بەدەست هاتووەكانی مێعماریی بەرد و قۆڕ، لەگەڵ كەرەستەی گڵێنە و بەردین، كە لە چەند ژووری ٥ لە ٥دا بوون، دۆزراوەتەوە.بە وتەی بەڕێوەبەری پرۆژەی توێژینەوە لە باڵان، ئاسەوارە دۆزراوەكان بۆ قۆناغی فەرهەنگیی سەردەمی ئەشكانییەكان لە ئێران، دەگەڕیتەوە.دوكتور یووسف فەلاحیان لە درێژەدا دەڵێت؛ من لەو باوەڕەدام، نابێت پەلە بكرێت لەتۆمار كردنی ئەو ئاسەوارانە كە مۆركی سەردەمی ئەشكانیانیان پێوە نراوە.ناوبراو بە هەواڵدەریی ئیرنای ڕاگەیاند: هاوكات پشكنین لە چوار شوێنی كەونارای، باغی، بڕوە، نیسك ئاوا و مەلاوەسو، لە مانگی ڕەزبەرەی ٩٤ی هەتاوییەوە دەستی پێكردووە و دانانی مۆزەخانەیەكی ناوچەیی لە شاری سەردەشت پێشنیار كراوە.كۆنترین ئاسەوار كە هەتا ئێستا دۆزرابێتەوە مێژووەكەی دەگەڕێتەوەبۆ ٨ هەزار ساڵ لەوەپێش.دۆزینەوەی ئەو ئاسەوارە گرینگە لە بەشێكی كوردستان، لە كاتێكدایە كە، پاراستنی ئاسەوارە كۆنەكان بووەتە یەكێك لە كێشە جیدییەكانی ڕیكخراوی میراتی فەرهەنگی و پیشەدەستییەكان، بە شێوەیەك كە تاڵانكردنی ئەو ئاسەوارانە وەكوو پیشەیەكی پڕداهات و ڕێكخراو، بە ئەژمار دێت.




كەلێنی ڕەگەزی لە ئێراندا قووڵتر دەبێتەوە
كەلێنی  ڕەگەزی  لە ئێراندا قووڵتر دەبێتەوەئاژانسی كوردپا: توێژەرانی كۆمەڵناسی ڕایانگەیاندووە كە؛ سیاسەت و ئابووریی حكوومەتی ئێران، پەرەی بە هەڵاواردنی ڕەگەزی داوە.بەپێی هەواڵە بڵاوكراوەكان، "حوسێن قازیان"، كۆمەڵناسی نیشتەجێی وڵاتی ئامریكا، ڕایگەیاندووە كە؛ "لە ١٠ ساڵی ڕابردووەوە تاكوو ئێستا، هیچ چاكسازییەك لەبواری هاوسەنگیی ڕەگەزی لە وڵاتی ئێراندا نەكراوە و ئەم نابەرابەرییە ڕەگەزییە لە بەشی ئابووری و سیاسەتدا زۆرتر بەرچاو دەكەوێت."هەروەها ناوبراو لە وتوووێژێكدا لەگەڵ "كەمپێنی نێونەتەوەیی مافی مرۆڤ" لە ئێراندا، سەبارەت بە "سیاسەتەكانی حكوومەت"، ئاماژەی بەوە كردووە كە؛ كەم بوونەوەی هەڵاواردنی ڕەگەزیی لە قۆناغە جۆراوجۆرەكاندا بە بارودۆخی ئێرانەوە گرێ دراوە.لە مانگی بانەمەڕی ئەوساڵدا، ماڵپەڕە نێوخۆییەكانی حكوومەتی ئێران بڵاویان كردۆتەوە كە بەپێی ئامارە جیهانییەكان؛ ئێران لە نێوان ١٤٥ وڵاتی جیهاندا لەبواری هەڵاواردنی ڕەگەزی‌دا، لە پلەی ١٤١دا جێی گرتووە.چالاكانی مافی ژنان لە ئێران، بەردەوام بۆ پێك‌هێنانی بارودۆخێك بۆ هاوسەنگی و بەرابەری و بەشداریی ژنان لە كۆمەڵگادا تێكۆشاون، تاكوو بتوانن، لە بواری ئابووری، یاسایی، كۆمەڵایەتیی و مرۆڤی، جێگە و پێگەی ژنان بەرز بكەنەوە.



لە تێكهەڵچوونەكانی پارێزگای كرماشاندا ٨ كەس لە هێزەكانی حكوومەت كوژراون
لە ئەنجامی دوو تێكهەڵچوونی جیاجیادا، كە شەوی دووشەممەی ئەم حەوتووە لە كرماشان و جوانڕۆ هاتە ئاراوە، ٨ كەس لە هێزە سەربازی و ئەمنیەتییەكانی حكوومەتی ئێرانیش كوژران.بەپێی هەواڵی هەواڵدەریی كوردپا، لە حاڵێكدا كە سەرچاوە حكوومەتییەكان باس لە كوژرانی چەندین چەكداری بەستراوە بە گرووپە ئیسلامگەراكان (داعش)، لە پاش دوو تێكهەڵچوون دەكەن، سەرچاوەیەكی ئاگادار بە هەواڵدەریی كوردپای ڕاگەیاندووە كە؛ لەم تێكهەڵچوونانەدا، ٨ كەس لە هێزەكانی حكوومەتیش كوژراون، بەڵام سەرچاوە هەواڵدەرییەكانی سەر بە حكوومەت، ئامادە نین باسی لێوە بكەن.بەپێی ئەم هەواڵە، شوناسی كوژراوەكانی حكوومەت ئاشكرایە و بەشێكن لە پێرسۆنێلی هێزی "ناجا" لە كرماشان.هەر لەم پێوەندییەدا و لە ڕاپۆرتێكی دیكەدا، سەرچاوەیەكی ئاگادار ڕایگەیاند؛ چەكدارە كوژراوەكانی كرماشان، كۆمەڵێك زیندانی بوون كە لە سێناریۆیەكی لەپێشدا داڕێژراو، ئەوانیان لە ماڵێكدا حەشار داوە و پێیان وتوون كە مانۆرێك دەدەین و دواتر ئازاد دەكرێن، بەڵام لە ڕەوتی مانۆڕەكەدا، بەڕاستی دەیانكوژن، تاكوو بەم شێوەیە دەرەتانی سەركوتی زیاتر و سازكردنی دۆخی ترس و تۆقاندن بۆ خۆیان بخوڵقێنن و وا بنوێنن كە مەترسیی شەڕی شێعە و سوننی بوونی هەیە.هەروەها هەواڵدەرییەكانی حكوومەت، كۆمەڵێك وێنەیان بڵاو كردۆتەوە كە گوایە وێنەی كوژراوەكانی ئەم تێكهەڵچوونانەیە، بەڵام ئەم وێنانە پێشتریش لە ڕێكەوتی ٢٦/٥/١٣٩٤، لە ماڵپەڕی "هەواڵدەریی كۆماری ئیسلامی" لە ژێرناوی كوژراوانی داعش، لە تێكهەڵچوونێك لە لوبنان بڵاو كرابوویەوە .لە چەند حەوتووی ڕابردوودا، و بەتایبەت پاش هاتنە ئارای تێكهەڵچوونی نێوان پێشمەرگەكانی كوردستان و هێزە چەكدارەكانی كۆماری ئیسلامی لە چەند شوێنی كوردستان، لێپرسراوان و ناوەندە قەزایی و ئەمنیەتییەكانی حكوومەت، دەستیان داوەتە دەستبەسەركردنی بەربڵاو، و بەردەوام هەواڵی پێوەندیدار بە ئەگەری شەڕی فیرقەیی و مەزهەبی لە كوردستان بڵاو دەكەنەوە.
هەندێك لە چالاكانی سیاسیی كورد، ئەمە بە سیاسەتێك بۆ بەلاڕێدا بردنی ڕاستییەكانی كوردستان و حاشاكردن لە گرینگیی پرسی نەتەوەیی لە ئێران و كوردستان لەقەڵەم دەدەن.




ئاماری كوژراوانی مەدەنی لە شەڕی سێ هەفتەی رابردووی حەلەب راگەیەندرا
لە سێ هەفتەی رابردوودا، دوای دەستپێكردنی ئۆپەراسیۆنی شكاندنی گەمارۆی ناوچەكانی ژێر كۆنتڕۆڵی رژێمەكەی ئەسەد تەنها لە شاری حەڵەب زیاتر لە 300 هاوڵاتی مەدەنی كوژراون، لەسەر ئاستی پارێزگای حەلەبیش كوژراوانی مەدەنی لەهەمان ماوەدا نزیكەی 450 هاوڵاتی مەدەنین.ئۆپەراسیۆنی شكاندنی ناوچە گەمارۆدراوەكانی شاری حەڵەب كە لەلایەن رژێمەكەی بەشار ئەسەدەوە خرابووەسەر چەكدارانی ئۆپۆزسیۆنی سوریا لەناوەندی ئەو شارە، رۆژی 31ی تەموز دەستیپێكرد‌و دوای تێپەڕینی نزیكەی شەش ڕۆژ هێزەكانی سوریای ئازاد شكاندنی گەمارۆكەو كردنەوەی رێگای راموسەیان راگەیاند، بەڵام تاكو ئێستا شەڕ و پێكدادان بەردەوامە.رامی عەبدولڕەحمان، بەرپرسی روانگەی سوری بۆ مافەكانی مرۆڤ ئەمڕۆ بە ئاژانسی فرانس پرێسی راگەیاند لە ئەنجامی شەڕ و پێكدادانەكانی سێ هەفتەی رابردوودا بۆ كۆنتڕۆڵكردنی شارەكە لەلایەن هێزەكانی سەر بە سوپای ئازادو ئۆپۆزسیۆنی سوریا لەدەست رژێمی ئەسەد، 333 هاوڵاتی مەدەنی كوژراون.بەوتەی بەرپرسی روانگەی سوری بۆ مافەكانی مرۆڤ ، 165 هاوڵاتی مەدەنی – كە لەنێویاندا 49 منداڵ هەبوون – بەهۆی تۆپبارانكردنی ناوچەكانی ژێر كۆنتڕۆڵی رژێمەكەی ئەسەد لەلایەن هێزەكانی سەر بە سوپای ئازادەوە كوژراون.هەروەها168  هاوڵاتیی مەدەنیی دیكە لە بۆردوومانی فڕۆكە جەنگییەكانی روسیاو رژێمەكەی ئەسەدو تۆپبارانكردنی ناوچەكانی ژێر كۆنتڕۆڵی ئۆپۆزسیۆنی سوریا كوژراون.جیاواز لە ئۆپەراسیۆنی شكاندنی گەمارۆكەی سەر شاری حەڵەبیش، بەهۆی شەڕ و پێكدادانەكانی ناوچەكانی دیكەی ئەو پارێزگایەوە، لە هەمان ماوەدا 109 هاوڵاتیی مەدەنیی دیكە كوژراون.تاوەكو ئێستاو لە پێنج ساڵی رابردوودا، پاش دروستبوونی ئاڵۆزییەكانی سوریا، زیاتر لە 290 هەزار كەس كوژراون‌و هەوڵەكانی كۆمەڵگەی نێودەوڵەتی بۆ كۆتاییهێنان بە ناكۆكیی لایەنە جیاواز و شەڕكەرەكانی ئەو وڵاتە تائێستا شكستیهێناوە.




جگە لە شەڕ هیچی تریان نەبینیوه"
وتەبێژی رێكخراوی یونیسێفی سەر بە نەتەوەیەكگرتوەكان رایدەگەیەنێت: سێ ملیۆن و (500) هەزار منداڵی سوریا، جگە لەشەڕ و ئاوارەیی هیچی تریان نەبینیوە، (306) هەزار منداڵی ئەو وڵاتەش‌، لە ئاوارەیدا لەدایك بون.كریستوف بولیراك، وتەبێژی رێكخراوی یونیسێفی سەر بە نەتەوەیەكگرتوەكان، لەلێدوانێكی رۆژنامەوانیدا رایگەیاند: زیاتر لە سێ ملیۆن و (500) هەزار منداڵی سوری لەژێر تەمەنی‌ پێنچ ساڵاندان و جگە لە ئاوارەیی و توندوتیژی و نائارامی، هیچی تریان نەبینیوە و (306) هەزار منداڵی سوریش لە ئاوارەیدا و لە وڵاتانی دراوسێ لەدایك بون.بەپێی راپۆرتەكانیش: هەشت ملیۆن و (400) هەزار منداڵی سوریی لەناوخۆی وڵات و لەوڵاتانی دراوسێ پێویستیان بە هاوكاریی مرۆیی هەیە و (100) هەزار منداڵی سوریاش گیرۆدەی نەخۆشی جۆراو جۆر بون.بەپێی راپۆرتە رۆژنامەوانییەكانی؛ هەزاران منداڵی سوریا لەشاری حەلەب، روبەڕوی برسێتیی ‌و تینویەتی و نەبونی دەرمان بونەتەوە و رێكخراوە فریاگوزاریەكانیش ناتوانن بەهانایانەوە بچن.لەوبارەیەوە كریستوف بولیراك رایگەیاند: لەبەشی رۆژهەڵاتی شاری حەلەب، دەستكەوتنی ئاوی پاكی خواردنەوە، ئەستەم بوه ‌‌و زۆرێك لەسەرچاوەكانی ئاو وشك بون، لەگەڵئەوەشدا رێكخراوەكەیان توانیویەتی (300) هەزار لیتر سوتەمەنی بۆ كارپێكردنی مۆلیدەكانی گەیاندنی ئاو تەرخان بكات.



ئەمەریكا لە ئاسمانەوە رێگری لە بۆردومانی حەسەكە دەكات
دو فڕۆكەی ئەمەریكی رێگری لە فڕۆكە شەڕكەرەكانی رژێمی سوریا دەكەن شاری حەسەكەی رۆژئاوای كوردستان بۆردومان بكەن.كەناڵی (CNN) لەسەر زاری سەرچاوەیەكی سەربازی وەزارەتی بەرگری ئەمەریكاوە بڵاویكردەوە؛ دو فڕۆكەی جۆری (F-22)ی ئەمەریكی رێگریان لە دو فڕۆكەی شەڕكەری جۆری (سوخۆی24)ی سەر بە هێزی ئاسمانی رژێمی سوریا كردوە بۆردومان شاری حەسەكەی رۆژئاوای كوردستان بكەن و لەسەر ئاسمانی ناوچەكە دوریان خستونەتەوە.بەوتەی ئەو سەرچاوەیە: فڕۆكەكانی ئەمەریكا نزیكەی یەك میل (1.6 كیلۆمەتر) لەئاسماندا لە فڕۆكەكانی سوریا نزیك بونەتەوە و هەوڵیان داوە پەیوەندی بە فڕۆكەوانەكانەوە بكەن، بەڵام بێوەڵام بون و دواتر ناچاریان كردون ئاسمانی ناوچەكە بەجێبهێڵن.لەلایەكی ترەوە و بەوتەی سەرچاوەیەكی سەربازی ئەمەریكی، ژمارەیەكی كەم لە هێزە تایبەتەكەی ئەمەریكا كە بۆ پشتیوانی شەڕڤانانی یەپەگە و سوریای دیموكرات لە حەسەكەن پاشەكشەیان پێكراوە، ئەوەش دوای دەستپێكردنی هێرشە ئاسمانی و موشەكییەكانی رژێمی سوریا بۆ سەر شارەكە.هەروەك وەزارەتی بەرگری ئەمەریكا بە فەرمی نیگەرانی خۆی لەو هێرشانە نیشانداوە و رایگەیاندوە: هێزێكی تایبەتی ئەمەریكا ماوەی چەند مانگێكە لەو شارەن بۆ راهێنان بە هێزە كوردی و عەرەبییەكان كە لە چوارچێوەی سوپای سوریای دیموكرات شەڕی داعش دەكەن و هاوپەیمانێكی گرنگی ئەمەریكان بۆ شەڕی روبەڕوبونەوەی تیرۆر لە سوریا.



ئاو وەك باشترین دەرمانی نەخۆشییەكان
خواردنەوەی ئاوی شلەتێن لە كاتی بەیانیان و پاش هەستان لە خەو، باشترین چارەسەری سروشتییە بۆ رزگاربون لە نەخۆشییەكان‌. پزیشك  و پسپۆڕانی چارەسەرە سوروشتییەكان لە وڵاتی ژاپۆن لە توێژینەوەیەكدا بۆیان دەركەوتوە خواردنەوەی ئاوی شلەتێن بە پێی خشتەیەكی دیاریكراو، باشترین چارەسەری نەخۆشییە جیاوازەكانە و بەرگریی لە توشبون بە جۆرە جیاوازەكانی نەخۆشیی دەكات.ئەو نەخۆشیانەی دەكرێت لە رێگەی خواردنەوەی ئاوی شلەتێن چارەسەر یاخود رێگرییان لێبكرێت بریتین لە؛ سەرئێشە، فشاری خوێن، كەم خوێنی، ئازاری جومگە، ئیفلیجی، دڵەكوتە یان لێدانی خێرای دڵ، بورانەوە، چەوری، كۆكە، هەوكردنی قوڕگ، رەبۆ، سیل و هەر نەخۆشییەك كە پەیوەندی به گورچیلە و میز و میزەڕۆوە هەبێت.هەروەها بۆ نەخۆشییەكانی شەكرە، هێمۆرۆئید، قەبزی، رشانەوە و سك چون، گاستریت، ئازاری لەش، (جۆرە نەخۆشییەك كە ئاوی ناو مێشك بە هۆی ڤایرۆسەوە توش دەبێت) نەخۆشییەكانی گوێ، كەمبونەوەی ئارەزوی خواردن، هەر نەخۆشیییەك پەیوەندی بە گوێ و قوڕگ و لوتەوە بێت.
شێوەی بەكار هێنان:
هەمو رۆژێك بەیانیان پاش زو لە خەو هەڵسان (4) پەرداخ ئاوی شلەتێن بە گەدەی بەتاڵ بخۆنەوه ‌(نزیكەی یەك لتر) و پاشان كەمێك ئاوی لیمۆ بكەنە ناو یەكێك لە پەرداخەكان و تا (45) خولەك دواتر هیچ خواردنێك مەخۆن. لە دوای هەر ژەمە نانخواردنێك تا (2) سەعات ئاو مەخۆنەوە و پێویستە ئەو ئاوەی ئەیخۆنەوە ئاوی پاڵاوتە یان پێشتر كوڵا  بێت و سارد كرابێتەوە.
بە پێی ئەو تاقیكردنەوانەی كە ئەنجامدراوە، چارەسەر بە ئاو لە ماوەیەكی دیاریكراوداو لە كاتێكی كەمتردا دەتوانێت هەندێك لە نەخۆشییەكان چارەسەر یان كەم بكاتەوە.
شەكرە  (30) رۆژ
فشاری خوێن (30) رۆژ
نەخۆشییەكانی گەده ‌(10) رۆژ
هەمو جۆرە شێرپەنجەیەك (9) مانگ
سیل (6) مانگ
نەبونی حەزی خواردن (10) رۆژ
نەخۆشییەكانی میز و میزەڕۆ (10) رۆژ
نەخۆشییەكانی گوێ و لوت و قوڕگ (20) رۆژ
نەخۆشییەكانی سوڕی مانگانە (15) رۆژ
نەخۆشییەكانی دڵ (30) رۆژ
سەرئێشە (3) رۆژ
بورانەوە (9) مانگ
رەبۆ (4) مانگ
ئەم شێوازە لە چارەسەر بە هیچ شێوەیەك كاریگەری لاوەكی و نەرێنی لەسەر كەس دانانێت و بە بێ هیچ مەترسیەك هەمو كەس دەتوانێت تاقیبكاتەوە.





دور بڕۆ و كەم بكێشە
رەنگە لای بەشێك وەك گاڵتە تەماشا بكرێت، بەڵام توێژینەوەیەكی فینلەندی گەیشتوەتە ئەوەی ئەگەر كەسانی جگەرە كێش ناچاربن بۆ كڕینی ماوەیەكی درێژ بەپێ ببڕن ئەوا ویستیان بۆ جگەرەكێشان كەم دەبێتەوە.
د. میكا كیفیماكی مامۆستای پەیمانگای تەندروستی پیشەیی لە هیلسنكی فینلەندا لەبارەی ئەنجامی توێژینەوەكەوە سەسوڕمانی خۆی ناشارێتەوە و دەڵێت "توشی سەرسوڕمان بوین".
دو توێژینەوەی دیكە لەبارەی نزیك و دوری ماركێت و فرۆشگای جگەرە لە شوێنی نیشتەجێبونی كەسانی جگەرەكێشەوە كراوە، كە لە یەكەمیاندا (6259) كەس و لە دوەمیاندا (1090) كەس بەشداربون، بەپێی ئەنجامەكان (28%)ی بەشدارانی تویژینەوەی یەكەم و (29%)ی بەشدارانی تویژینەوەی دوەم دەستبەرداری جگەرەكێشان بون بەهۆی دوری فرۆشگاكان لە شوێنەكانیانەوە.
توێژینەوەكە ئاماژەی بەوەكردوە؛ ئەوانەی لانی كەم (500) مەتر لە فرشگاكانەوە دوربون و ناچاربون ئەو ماوەیە ببڕن بۆ دەستكەوتنی جگەرە ویست و ئەگەری وازهێنانیان لە جگەرەكێشان بە رێژەی (16%) زیادی كردوە، بۆیە د. میكا ئەو پاساوە بە گونجاو دەزانێت بۆ ئەوەی جگەرەكێشان بیكەنە پاڵنەرێك بۆ وازهێنان لە جگەرە.














ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کوردستانی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کوردستانی:
هاتنى مانگى ره‌مه‌زان له‌سه‌رجه‌م په‌یره‌وانى دینى ئیسلام پیرۆز بی


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان