ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 27 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

سوپاسنامەی سازمانی خەبات بە بۆنەی بەرێوەبردنی بە شكۆیانەی رێورەسمی نەورۆز لە كوردستانی ئێران

كردەوە تیرۆریستیەكەی لەندەن بەتوندی مەحكوم دەكەین

1ی خــاكـــه‌لـێوه‌ یادی 33 ساڵەی دەرچوونی یەكەم ژمارەی تێكۆشان پیرۆز بێ

پەیامی ڕێکخراوی ئافرەتانی خەباتی کوردستان بەبۆنەی نەورۆز و ساڵی تازەی کوردیەوە

پەیامی نەورۆزیی بەرێز و تێكۆشەر كاك بابەشێخی حسێنی بەرێوەبەری گشتی سازمانی خەبات

نەورۆز هێمای ژیانەوەو پێكەوە بوون، پیرۆز بێ

هه‌ڵه‌بجه‌ ناسنامه‌ی گه‌لێكی چه‌وساوه‌

گەورە نووسەر و ئەدیب محەمەدی مەلا كەریم كۆچیی دوایی كرد

پەیامی رێكخڕاوی ئافرەتانی خەبات ی کوردستانی ئێران بەبۆنەی 8ی مارس رۆژی جیهانی ژنان

پەیامی كاك بابەشێخی حسێنی بەرێوەبەری گشتی سازمانی خەبات بەبۆنەی 8ی مارس رۆژی جیهانی ژن

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
8665756
جار بینراوه‌ . Juni 2007

   ڕاپرسی
ئەو بابەتانەی لە كۆنگرەی شەشەمدا سازمانی خەبات دەبێ گرینگی زیاتری پێ بدات؟

رێكخستنەوەی ئورگانەكان
رێكخستنی دەرەوەی وەڵات
تەشكیلاتی ناوخۆی وەڵات
دیپلۆماسیەت و پەیوەندیەكان
چاپەمەنی و راگەیاندن
رێكخستنەوەی هێزی پێشمەرگە



ئاکامه‌کان
ڕاپرسی‌یه‌کان

ژماره‌ی ده‌نگه‌کان 14

هەواڵەكانی كوردستان و ئێران و ناوچەكە (31ی خەرمانانی 1395)

مێژووی ناردن : Wednesday, September 21 @ 14:49:23 UTC





لە پارێزگای کرماشان ٧٠٠ منداڵی کار بوونیان هەیە
خەباتمێدیا: هەواڵدەری حكومەتی مێهر بڵاوی كردەوە كە منداڵانی کار لە ئێران ڕووی لە زیاد بوون کردووە و تەنیا لە پارێزگای کرماشان دا ٧٠٠ منداڵی کار بوونیان هەیە. ئەو هەواڵدەریە لە زاری بەرێوەبەری گشتی بێهزیستی پارێزگای کرماشانەوە بڵاویکردەوە کە؛ ئەو منداڵانە تەنیا منداڵانی کار و سەرشەقامن کە بۆ دابین کردنی بژێوی ژیانیان خەریکی کار کردنن.بەپێی وتەی ئومید قادری، لە پارێزگای کرماشان ٦٠٠ بۆ ٧٠٠ منداڵی کار بوونی هەیە کە لەو ڕێژەیە ٣٠٠ کەسیان دۆزراونەتەوە بەڵام ڕێژەی ئەو منداڵانە لە ئاستی پارێزگا و ئێران بە تەواوەتی ڕوون نیە.ئەو مۆرەی رژێم پارێزگای کرماشان منداڵانی کار و سەرشەقام بە خەسارێکی کۆمەڵایەتی دەزانێ و دەڵێ، ئەو دیاردەیە لە هەموو وڵاتان بوونی هەیە و هۆکاری ئەوەش بۆ کێشە جۆراوجۆرە کۆمەڵایەتییەکان دەگەڕێتەوە.بەپێی ئامارەکان، ڕێژەی منداڵانی کار لە پارێزگای کرماشاندا، بە نزیک لە ١٠٠٠ کەس، خەمڵێندراوە، بەڵام بەرپرسانی رژێم ئامارەكان دەستكاری دەكەن و بەردەوامی ئاماری كەمتر لەوەی كە هەیە بڵاو دەكەنەوە.





4020 كەس بەهۆی خۆكوژیەوە مردوون
بەرپرسی ئاژانسی کۆمەڵایەتیی رژێم گوتی هەوڵدان بۆ خۆکوشتن لە تەمەنەکانی نێوان ١٥ تا ٢٥ ساڵاندا زۆرترین رادەی مردنی لێی دەکەوێتەوە. حسێن ئەسەد بەیگی رایگەیاندوە، بە پێی ئاماری ناوەندی خۆکوشتن لە ئێران، لە ساڵی ٩٤ی هەتاویدا رێژەی ٤٠٢٠ کەس هەوڵی سەرکەوتوانەیان بۆ خۆکوشتن داوە. بە رای ئەو دەروونناسە رێژەی خۆکوژی لە نێوان پیاواندا لە ساڵی ٢٠١٢ ی زایینی‌ زۆرتر بوە لە ژنان بەڵام لەم ساڵانەی دواییدا و بە هۆی هۆکارە جۆراوجۆرەکان و روانگەی پیاوسالارانە لە کۆمەڵگادا،  رێژەی خۆکوژی لە ژنان‌دا رووی لە زیادبوونە. لە روانگەی ئەم بەرپرسەی رژێمەوە پارێزگاکانی رۆژئاوای ئێران واتا ئیلام، کرماشان، لوڕستان و کوردستان بە پێی رێژەی حەشیمەت، خاوەنی زیاترین ئاماری خۆکوژین و ئەوەش دەگەڕێتەوە بۆ نەبوونی كێشەكانی ژیان، بێ‌کاری و نائومیدی لە نێو کۆمەڵگادا. لە لایەکی دیكەوە سەرەڕای ئەو گرفتانە، نەبوونی سەربەخۆیی ماڵی، گێرەو کێشەکانی دوای تەڵاق و جیابوونەوە لە هۆکارە سەرەکییەکانی هەوڵدانی خۆكوژیە لە نێو ژناندا. ئەوە لە حاڵێکدایە کە لە چەند حەوتووی رابردودا و لە پارێزگای سنە زیاتر لە حەوت کەس بە هۆی خۆکوشتنەوە مردوون و لە شاری سەقزیش لە چەند مانگی رابردوودا ٩ کەس بە هۆی خۆکوژیەوە گیانیان لە دەس داوە. شایانی باسە کە تا ئێستا هیچ ناوەندێکی رژێم ئەرکی لێکۆڵینەوە و بەدواداچوونی بۆ هۆکانی ئەم دیاردە کۆمەڵایەتییە و چارەسەرکردنیی لە ئەستۆ نەگرتوە.



رژێمی ئێران ماكەی ترۆریزمە
خەباتمێدیا:  ڕۆژنامەی واڵ ستریت ژۆرناڵ  وتارێکی عادل ئەلجۆبەیردا، بڵاوی کردووەتەوە کە؛ رژێمی ئێران یەکەمین دەوڵەتە لە پشتیوانی‌کردن لە ترۆریزم لە جیهاندا، و ڕێبەرانی ئەو وڵاتانە لە سەرەتای دامەزراندنی رژیمی ئێرانەوە ڕاستەوخۆ لە زۆربەی کردەوە تێرۆریستییەکاندا دەستیان هەبووە.
ناوبراو هەروەها دەنوسێت کە؛ رژێمی ئێران لە سەرەتاوە تا ئێستا هێرشی کردووەتە سەر ١٢ باڵوێزخانە لە تاران، و سپای پاسداران ناوەندە فەرهەنگییەکانی خوی لە زۆربەی وەڵاتانی وەک سودان، نیجێریە، سووریه، لوبنان، یەمەن و دورگەی کومۆر جێگیر کردووە.وتارەکەی وەزیری دەرەوەی سعوودیە وڵامدانەوەی وتارەکەی محەممەدجەواد زەریفه که ڕێکەوتی ٢٣ی ئەم مانگه لە نیۆیۆرک تایمزدا بڵاوی کردبووەوە.ئەلجۆبەیر لەو وتارەی خۆیدا لەژێر ناوی "ئێران ناتوانێت ڕابردووی خۆی لە پشتیوانی کردن لە تێرۆریزم پاک کاتەوە" باس لەوە دەکات کە؛ لە سەرەتای دەسپێکی نائارامییەکان لە سووریه زیاتر لە ٥٠٠ هەزار کەس لەو وەڵاتە بە دەستی هێزەکانی بەشار ئەسەد کوژراون و  رژێمی ئێران بە ناردنی هێز و پشتیوانییە هەمە لایەنەکانی خۆی لە ڕێژیمی ئەسەد، شەریکی کوشتاری خەڵکی سووریەیە.وەزیری دەرەوەی رژێمی ئێران لە نیۆیۆرک تایمزدا باسی لەوە کردبوو کە؛ ڕێبەرانی عەرەبستانی سعوودی بە کەڵک‌وەرگرتن لە "کارت ایران" لە هەوڵی ئەوەدان وا پیشان بدەن کە ئاژاوەی زیاتر زەربە لە ئێران دەدات.شەڕە قسە وەزیری عەرەبستانی سعوودی و رژێمی ئێران، نوێترین حاڵەتە کە دوای هێرشی ڕێژیم بۆ سەر باڵوێزخانەی سعوودی لە تاران و کۆنسولگەریی ئەو وڵاتە لە مەشهەد هاتووەتە ئاراوە.




یەكیەتی ئوروپا هۆشداری بە حكومەتەكەی ئەسەد دا
خەباتمێدیا: دوای ئەوەی ڕۆژی سێ‌شەممە ٣٠ خەرمانان هێزە ئاسمانییەکانی ڕژێمی بەشار ئەسەد هێرشیان کردە سەر کاروانێکی ھاوکاریی مرۆیی لە حەلەب، یەکیەتی ئورووپا بە فەرمی داوای لە ڕێژیمی ئەسەد کرد کە کۆتایی بە ھێرشە ئاسماییەکانی خۆی بۆ سەر ئەو شوێنانە لە حەلەب بھێنێت کە  تاقمی تیرۆریستی لێ نیە.
فێدریگا مۆگرینی بەرپرسی کاروباری سیاسەتی دەرەوەی یەکیەتی ئورووپا و کریستۆز ستیلیانیدزی ئەندامی کۆمسیۆنی ھاوکاریی مرۆیی و بەڕێوەبردنی قەیران لە یەکیەتی ئورووپا، لەبارەی ھێرشە ئاسمانییەکەی ڕێژیمی بەشار ئەسەد بۆ سەر کاروانێکی ھاوکاریی مرۆیی لە حەلەب، ڕاگەیەندراوێکی ھاوبەشیان بڵاوکردەوە.ڕاگەیەندراوەکە سەرەڕای ئەوەی ئاماژە بەوە دەکا کە ئەو ھێرشەی کە بۆ سەر کاروانی ھاوکاریی مرۆیی لە حەلەب ئەنجام درا جێگەی قبووڵ کردن نیە، هاوکات پێداگری دەکات کە پێویستە ھاوکاریی مرۆیی بە شێوەیەکی پارێزراو بۆ هەموو شوێنێک ڕەوانە بکرێت و بە ھەموو شوێنێک بگات.لە بەشێکی ڕاگەیەندراوەکەدا هاتووە کە؛ پێویستە هەمیشە خەڵکی سڤیل و ئەو کەسانەی کە کاری گواستنەوەی ھاوکاری مرۆیی ئەنجام دەدەن، پارێزراو بن.ئەو دوو بەرپرسە لە یەکیەتی ئورووپا ھاوکات سەرەخۆشی خۆیان پێشکەش بە بنەماڵە و کەسوکاری قوربانیانی ئەو ھێرشە کرد.







بەلەمێك بە 600 كۆچبەری نایاساییەوە لە میسر نقوم بوو
بەلەمێك بە 600  كۆچبەری نایاساییەوە لەكەنارە ئاوییەكانی میسردا نقوم بوو، لانیكەم 29 كۆچبەر گیانیان لەدەستدا.رۆیتەرز كەمێك لەمەوبەر بڵاویكردەوە"بەلەمێكی كۆچبەرانی نایاسایی بە 600 سەرنشینەوە لە كەناری كفر ئەلشێخ نقوم بوەو ئەوەش هەتا ئێستا گەورەترین ئۆپەراسیۆنی كۆچی نایاساییە لەو كەنارەوە".بەپێی هەواڵەكە كارمەندانی فریاكەوتن 150 كەسیان لە مردن رزگاركردووە، چەند سەرچاوەیەكی ئەمنی بە رۆیتەرزیان ڕاگەیاندووە، بەلەمەكە كۆچبەرانی میسری و سوری و ئەفریقی هەڵگرتووە. لەكاتێكدا رەخنەكان زیاتر دەبێت لەبارەی شكستی هەوڵە نێودەوڵەتییەكان بۆ چارەسەركردنی قەیرانی جیهانیی كۆچبەران، ئەمساڵ جیهان بە ئاڕاستەی ئەوەدا دەڕوات كە بەرزترین ژمارەی مردن لەناو كۆچبەراندا تۆماربكات.بەپێی ئامارەكانی رێكخراوی كۆچی نێودەوڵەتی (IOM) ژمارەی مردن لەنێوان كۆچبەراندا ئەمساڵ  10 هەزار كەس تێدەپەڕێنێت.جولیا بلاك، لە رێكخراوی پڕۆژەی خێرخوازی پەنابەرە ونبووەكان لەسەنتەری شرۆڤەكاریی داتاكانی پڕۆژەكە لەبەرلین دەڵێت رێكخراوەكەیان دڵنیایە كە جیهان ڕوبەڕوی بەرزترین ئاستی مردن لەنێوان پەنابەراندا دەبێتەوە.جولیا وتی"ساڵی پار ئێمە لەسەرانسەری جیهاندا زیاتر لە 5000 حاڵەتی مردنمان هەبووە و ئەمساڵیش هەتا ئێستا 4000 حاڵەتی مردن هەیە، بەڵام لەدەرەوەی زۆنەكانی دەریای ناوەڕاست‌و ئەوروپاوە زانیارییەكان ئەوەندە كەمن، ئێمە پێمانوایە ئەو ژمارەیە زۆر هەڵەی تێدایە".وتیشی"ئەمساڵ ئێمە لەڕاستیدا دەگەینە ژمارەی 5000 قوربانی، بەڵام من پێشبینی دەكەم كە ژمارەی ڕاستەقینەكە دوو هێندە زیاتر دەبێت".بەشێكی زۆر لەو پەنابەرانەی گیانیان لەدەستداوە بەهۆی خنكانەوەبووە لەمیانی پەڕینەوەی مەترسیدار بەناو دەریای ناوەڕاستدا لە  لیبیاوە بەرەو ئیتاڵیا.بەپێی نوێترین ئامار 3 هەزارو 212 كەس هەتا ئێستا لەناو دەریادا خنكاون.هەروەها رێكخراوی كۆچی نێودەوڵەتی دەڵێت ئەمساڵ 400 حاڵەتی مردنی بەهۆی كۆچكردنەوە لە ئەمریكای لاتین تۆماركردووە، بەڵام جولیا بلاك دەڵێت"ڕەنگە ژمارەكە دوو هێندە تا سێ هێندە زیاتر بێت".






ئۆباما پلانی هەیە راستەوخۆ كوردانی خۆرئاوا بە چەكی قورس پڕچەك بكات
ئیدارەی ئۆباما پلانی داناوە بۆ راستەوخۆ پڕچەككردنی هێزە كوردییەكان لە باكوری سوریا بەچەكی قورس بۆ شەڕی دژی داعش، ئەو هەنگاوەش پێدەچێت گرژییەكی زۆر بخاتە پەیوەندییەكانی نێوان ئەمریكاو توركیاوە.ئەو پلانە ئێستا لەژێر گفتگۆدایە لەلایەن ستافی ئەنجومەنی ئاسایشی نیشتمانی، لەكاتێكد ئۆباما فەرمانی كردوە بە یاریدەدەرەكانی بۆ خێراكردنی ئامادەكارییەكان بۆ لێدانی داعش، ئەوەش بەپێی راپۆرتێكی ئەمڕۆی نیویۆرك تایمز.ئۆباما بەیاریدەدەرەكانی وتوە كە ئەو دەیەوێت پێش جێهێشتنی كۆشكی سپی هێرشبكاتەسەر شاری رەققە كە بە پایتەختی داعش لەسوریا دادەنرێت.بڕیارە لەمانگی تشرینی دووەمی ئەمساڵ هەڵبژاردنی سەرۆكایەتی ئەمەریكا بەڕێوەبچێت‌و ئۆباما دوای هەشت ساڵ لەسەرۆكایەتی ئەو پۆستە بۆ كەسێكی دیكە جێبهێڵێت.بڕیاری پڕچەككردنی كوردەكانی سوریا بڕیارێكی قورس دەبێت بۆ باراك ئۆباما، بەتایبەت بەهۆی دژایەتییەكانی توركیاوە كە هاوپەیمانێكی بەهێزی واشنتۆنە لەرۆژهەڵاتی ناوەڕاست‌، ئەمەریكاش پێویستی بەهەردوو هێزی توركیاو كوردەكانی خۆرئاوا هەیە بۆ ڕوبەڕووبووەنەوەی داعش.خەندان لەبارەی هەواڵی پڕچەككردنیان پەیوەندیكرد بە تەلال سلۆ وتەبێژی هێزەكانی سوریای دیموكرات-یەپەگە پێكهێنەری سەرەكییەتی- بەڵام وتی"لەبارەی نهێنی سەربازیی لێدوان نادەم".پڕچەككردنی كوردەكانی سوریا بۆ یەكەمجار دەبێت كە فەرماندە ئەمریكییەكان بە كاریگەرترین هاوبەشی خۆیانی دەزانن كە لەسەر زەوی شەڕی داعش دەكات‌و ئەو هەنگاوە هێرشی سەر رەققە گەورەتر دەكات.ئەو پلانە بە فەرماندەیی ناوەندیی پینتاگۆندا تێدەپەڕێت كە چاودێری چالاكییە سەربازییەكانی ئەمریكا دەكات لە رۆژهەڵاتی ناوەڕاست. ئەوان پێیانوایە دەبێت كوردەكانی سوریا بەچەكی بچوك‌و زەخیرەو هەندێك هاوكاریی بۆ ئەركی دیاریكراو پاڵپشتیی بكرێن، بەڵام نەك بە چەكی قورسی وەك دژە تانك و دژە فڕۆكە.بەرپرسە ئەمریكییەكان ئاشكرایان كردوە كە داواكارییەكە تائێستا پێشكەش نەكراوە بۆ ئاستی باڵای بڕیاردان، كۆشكی سپییش رەتیكردوەتەوە لەوبارەیەوە لێدوان بدات.پێداچوونەوەی پلانە سەربازییەكە دوای ئەوەدێت فەرماندە ئەمریكییەكان ترسیان لەوەهەیە ئەو خشتەی كاتەی بۆ گرتنەوەی رەققە دایان ناوە دوابخرێت ئەویش دوای ئەوەی بەم دواییە توركیا لەرێی زمینییەوە دەستێوەردانی لەسوریادا كرد.ئەو هێرشەی توركیا دوایین رێگای هاوكاریی دەرەكیی لەداعش بڕی، لەهەمانكاتدا كوردەكانی لەو شوێنانە كشاندەوە كە كۆنتڕۆڵیان كردبوو، كوردەكان سەرەڕای یارمەتی زەمینی ئەمریكیی بەدابینكردنی راوێژكار، بەڵام رەخنەیان گرت لە ئەمەریكا لەبەرامبەر هاوپەیمانیەتی توركیا.جەنەراڵ جۆسێف ڤۆتێڵ سەرۆكی فەرماندەیی ناوەندیی هەفتەی رابردوو رایگەیاند كە ئەوان وەك ئەمەریكا دەبێت رۆڵی رێبەریی ببینن لەنێوان هەردوو لایەنەكەدا،  وەك ئاماژەدانێك بۆ كورد و توركیا "سەرنج بخەینە سەر ئەركی لێدانی داعش".لەماوەی رابردوودا هێزەكانی پاراستنی گەل(یەپەگە) و هێزەكانی پاراستنی ژنان(یەپەژە) كە باڵی سەربازیی هێزەكانی سوریای دیموكراتی باڵادەستن لە خۆرئاوای كوردستان، توانیویانە دەستەكەوتی زۆر بەدەستبهێنن‌و داعش لەچەندین پێگەی ستراتیژی گرنگ دووربخەنەوە كە دواهەمینین شارۆچكەی مەنبەج بوو.




ئێران لەدوو هەفتەدا: نزیكەی ٧٠٠٠ كەس بەڕووداوی هاتوچۆ برینداربوون
تەنها لەماوەی دوو هەفتەدا شەش هەزارو ٧٠٠ رووداوی پێكدادانی ئۆتۆمبێل لەئێران ڕوویداوەو لەو ژمارەیەش ٣٥٠ كەس گیانیان لەدەستداوە.سەردار ئەمیری، جێگری بەڕێوەبەری گشتی پۆلیسی هاتوچۆی ئێران بەڕۆژنامەی هەمشەهری راگەیاندووە "لەدوو هەفتەی رابردوودا شەش هەزارو ٧٠٠ ڕووداوی هاتوچۆ ڕوویداوەو لەئەنجامدا ٣٥٠ كەس گیانیانلەدەستداوە، لەگەڵ برینداربوونی 8 هەزارو 300 كەس".ئاشكرایكرد كە لەماوەی ئەو دوو هەفتەیەدا، مۆڵەتی لێخوڕین لە ١٨٠٠ شوفێر وەرگیراوەتەوەو ٤٣ هەزار ئۆتۆمبێلیش بەهۆی سەرپێچی یاساكانی هاتوچۆوە لەلایەن پۆلیسەوە راگیراون، ئەم رێژەیەش لەچاو ساڵی ڕابردوو سەدا ١٣ زیادی كردووە.ئێران بەیەكێك لەدیارترین وڵاتانی جیهان بۆ رووداوی هاتوچۆ دادەنرێت كە ساڵانە هەزاران كەس گیانیان لەدەستدەدەن.پێشتر، بەشی لێكۆڵینەوەی پزشكی دادوەری ئێران ئامارەكانی ڕوداوەكانی هاتوچۆی لە ١٤ ساڵی ڕابردوو بڵاوكردەوە كە بەپێی ئامارەكان: تەنها لەماوەی ئەو ١٤ ساڵەدا، بەهۆی ڕوداوەكانی هاتووچووە ٣١٥ هەزار كەس گیانیانلەدەستداوە ، ئەمە لەكاتێكدایە لەو ماوەیەدا تەنها ٩٨٦ كەس بەهۆی كەوتنە خوارەوەی فڕۆكەوە بوونەتە قوربانی.هەر بەپێی ئامارەكەی بەشی لێكۆڵینەوەی پزشكی دادوەری، رۆژانە ٦١ كەس لەئێران بەهۆی ڕوداوەی هاتوچۆوە گیان لەدەستدەدەن.ئەمە لەكاتێكدایە لەماوەی هەشت ساڵەی‌ شەڕی ئێران‌و عیراقدا، تەنها ٢٠٠ هەزار ئێرانی بەهاوڵاتی سڤیل‌و سەربازەوە كوژراون. هەروەها لە ماوەی ئەو شەش ساڵەی شەڕی ناوخۆیی سوریادا نزیكەی ٥٠٠ هەزار كەس مردوون ئەمەش بەپێی ئامارەكانی ڕۆژنامەی نیویورك تایمز.





توێكڵی پەتاتە سوودەكەی لە ناواخنەكەی زیاترە
پەتاتە یەكێكە لەو خۆراكانەی ئارەزوویەكی زۆری لەسەرە، بە سورەوەكراوی یان برژاوی و یان كوڵاوی، بەڵام پێش ئامادەكردنی توێكڵەكەی لێدەكرێتەوە و بە پاككراوی دەخورێت، بێ ئەوەی لە سوودەكانی توێكڵی پەتاتە بە ئاگابن.توێكڵی پەتاتە شەش سوودی گرنگی هەیە؟
1-پێكهاتەی توێكڵی پەتاتە دەوڵەمەندە بە پۆتاسیۆم و كانزای بەسوود بۆ لەش، ئەمەش باشترین وزەیە بۆ مێشك و ئامێری هەستە دەمارەكان لە لەشدا.
2-ئەم توێكڵە برێكی زۆر ماددەی نیاسین و ڤتامین بی 3 تێدایە، كە كاری سەرەكی گۆڕینی كاربۆهێدراتە بۆ وزە و ئەم ماددەیەش یارمەتیدەرە بۆ بڵاوكردنەوەی ئەم وزەیە بە خڕۆكە و خانەكانی خوێندا، لەهەمانكاتدا پارێزگاری لە سەلامەتی خوێن دەكات و تەندروستی دڵ و خوێنبەرەكان دەپارێزێت لە كۆلیسترۆڵ.
3-خواردنی توێكڵی پەتاتە هۆكارێكە بۆ بەخشینی ڕێژەی پێویست لە پڕۆتین و ڤیتامین و كاربۆهێدرات بە لەش.
4-توێكڵی  پەتاتە بڕێكی زۆر ماددەی كانزایی تێدایە كە خۆراكی پێویست دەدات بە خوێن.
5-خواردنی توێكڵی پەتاتە هۆكارێكە بۆ خێراكردنی كرداری هەرس، چونكە دەوڵەمەندە بە ماددەی ڕیشاڵی.
6-لەلایەكی دیكەوە ئەم توێكڵە دەبێتە هۆی مژینی بەرهەمەكانی كلوكۆز، كە هۆكارێكە بۆ كەمبوونەوەی ڕێژەی شەكری خوێن و پاراستنی لەش لەم نەخۆشیە.







ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کوردستانی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کوردستانی:
هاتنى مانگى ره‌مه‌زان له‌سه‌رجه‌م په‌یره‌وانى دینى ئیسلام پیرۆز بی


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان